లోపలకు వెళ్ళాక తన తొందరపాటుకు, బాధ పడింది.
రెండో సర్వర్ గర్ల్ దగ్గర రేసిప్ట్ తీసుకొని బయటకు నడిచారు.
నిషా “అయిదు నిముషాలలో ఒక అమ్మాయిని ఎడిపించావ్”
క్రిష్ “హుమ్మ్”
కాజల్ “జీవితంలో తిరిగి నవ్వకుండా చేశావ్” అంటూ తల అడ్డంగా ఊపుతూ వెళ్ళింది.
ముగ్గురు పార్క్ లో నడుచుకుంటూ వెళ్తున్నారు.
క్రిష్ “నేను తనని ఏడిపించా అని మీరు అనుకుంటున్నారు…. నేను జీవితంలో పాటం నేర్పా అని నేను అనుకుంటున్నా…” అన్నాడు.
కాజల్ “వావ్… గ్రేట్… చాలా గొప్ప పాటం నేర్పావ్… రేపు వెళ్లి ఎక్సాం రాసి ఫస్ట్ క్లాస్ తెచ్చుకుంటుంది” ఇప్పటి వరకు తనలో ఆపుకున్న కోపం అంతా ఒక్క సారిగా కక్కేసింది.
క్రిష్ “జీవితంలో ఫెయిల్ అవ్వకుండా ఉంటుంది…. నాలా” అన్నాడు.
కాజల్ “చూడు… ప్రతి ఒక్క దానికి ఒక లిమిట్ ఉంటుంది… నీకేదో జరిగింది అని ప్రపంచం అలానే ఉంటుంది అనుకుంటే ఎలా…”
క్రిష్ “తన దగ్గరకు ఎవరో ఒకరు వస్తారు… ఇలానే ఫ్లర్ట్ చేస్తారు. తర్వాత మళ్ళి వస్తారు. ఈమెని పడేస్తారు. ఫ్లాట్…. రేపు ఏ కడుపో తెచ్చుకొని రోడ్డున పడుతుంది” అన్నాడు.
కాజల్ “నువ్వు అయితే ఇలానే చేస్తావ్ రా… నీ లాంటి వాళ్ళు అందరూ ఇంతే… పెద్ద బాబాలా స్పీచ్ ఇవ్వకు…”
క్రిష్ “ఇప్పుడు అలా జరగదు… నేనిచ్చిన షాక్ ట్రీట్మెంట్ కి ఇలాంటి ఫ్లర్టింగ్ అంతా ట్రాష్ అని రియలైజ్ అవుతుంది”
కాజల్ “అసలు మీ మగాళ్ళే ట్రాష్… అసలు అందులో నువ్వు పెంట కుప్ప మీద ఉన్న ఎలక గొద్దేవి” అంటూ అతన్ని కోపంగా చూసి దూరంగా ఉన్న ఒక బెంచ్ పై కూర్చుంది.
నిషా అప్పటి వరకు ఇద్దరి మధ్య నిలబడింది కాస్తా… వెళ్లి తన అక్క దగ్గర కూర్చొని “వెళ్దా పద అక్కా.. ఎండలో ఎందుకు…” అంటుంది.
క్రిష్ వచ్చి ఎదురుగా నిలబడ్డాడు. కాజల్ కోపం ఇంకా తగ్గలేదు.
నిషా “నువ్వు సారీ చెప్పూ రా…”
క్రిష్ “నేనేం తప్పు చెప్పలేదు…. ఇదే రియాలిటీ”
కాజల్ “అది రియాలిటీ కాదు క్రూయాలిటి”
క్రిష్ “సరే…. పొద్దున్న మీ చెల్లి ఒక స్కిట్ చేశాం కదా…. అలాంటిది ఒకటి… చిన్నది”
కాజల్ మొహం తిప్పుకుంది.
క్రిష్ “అయిదు వేలు కావలి”
కాజల్ “లేవు..” అని మొహం తిప్పుకుంది.
— — — — — — — — — — — — — —
— — — — — — — — — — — — — —
నిషా “హాయ్ క్రిష్ ఎలా ఉన్నావ్”
క్రిష్ “బాగానే ఉన్నాను”
నిషా “చాలా స్మార్ట్ గా కనిపిస్తున్నావ్…. కొత్త జీన్స్, టీ షర్ట్…. అరిపిస్తున్నావ్…”
క్రిష్ “థాంక్స్… కాని పాతవే…”
నిషా “నీలోనే ఎదో స్పెషల్ ఉంది అబ్బా….” అంటూ నవ్వింది.
క్రిష్ సిగ్గుపడ్డాడు.
నిషా “ఒక చిన్న ఫేవర్….”
క్రిష్ “హా… చెప్పూ”
నిషా “కొంచెం అర్జెంట్ ఒక అయిదు వేలు కావాలి… మా అక్క ని అడిగాను, ఈవెనింగ్ ఇచ్చేస్తుంది… నీ దగ్గర ఉన్నవి కొంచెం సర్దుతావా…. ఈవెనింగ్ ఇచ్చేస్తాను”
క్రిష్ “అయ్యో అయిదు వేలా…”
నిషా “ఈవెనింగ్ కల్లా ఇచ్చేస్తాను. అక్కని అడిగాను.”
క్రిష్ “నా దగ్గర అంత క్యాష్ లేవు”
నిషా “ఈ పక్కనే ఉంది ATM”
క్రిష్ “సరే పదా…”
… కతమ్…. గుడ్ బాయ్… గయా… ….
క్రిష్ “నాకు నీతో అవసరం ఉంటే…. నీతో నా ట్రీట్మెంట్ ఒకలా…. అవసరం లేకపోతే ఒకలా ఉంటుంది…. ఊరికే ఎవడూ వచ్చి పొగడడు… ఏ ఇంటెంన్షన్ లేకుండా… ఒకరు మనల్ని ఫ్లర్టింగ్ ఎందుకు చేస్తున్నాడు… అది తెలుసుకోవాలి ముందు…” అని గట్టిగా చెప్పాడు.
నిషా “నిజాయితే లేదు అంటావ్”
క్రిష్ “యస్…”
నిషా “నిజాయితీ గా చెబితే” అని క్రిష్ వైపు చూసింది, కాజల్ కూడా నవ్వు ఆపుకుంటూ తన ప్రశ్న కూడా అదే అన్నట్టు చూసింది.
క్రిష్, కాజల్ ముందుకు వంగి “నువ్వు చాలా అందంగా ఉన్నావ్… ఇవ్వాళ చాలా చాలా అందంగా ఉన్నావ్” అన్నాడు.
కాజల్ కొంచెం బ్లష్ అయింది. బటర్ ఫ్లైస్ ఎగురుతున్నట్టు అనిపించింది.
క్రిష్ “నిజాయితీ గానే చెప్పాను…. నా కళ్ళలో నిజాయితీని చూపిస్తూ చెప్పాను”
నిషా “అయితే…. ”
క్రిష్ “జీవితంలో ఇదే ముఖ్యమైన పాటం…. మొదటిది…. ఫ్లర్టింగ్ గోల…. రెండోది…. బటర్ ఫ్లైస్ లైఫ్ స్పాన్” అన్నాడు.
నిషా “వాట్… బటర్ ఫ్లైస్” అంది.
క్రిష్ “అవునూ….. ఒకమ్మాయిని ఒక అబ్బాయి…. లేదా ఒక అబ్బాయిని ఒక అమ్మాయి చూడగానే… బటర్ ఫ్లైస్ పుడతాయి… అది ఎగురుతూ ఉంటుంది. చాలా హాయిగా ఉంటుంది. వాళ్ళు ఏం చేసినా అలా చూస్తూ ఉండి పోవాలని అనిపిస్తుంది. వాళ్ళు ఏదైనా తప్పు మాట్లాడితే పిచ్చ కోపం వచ్చేస్తుంది. వాళ్ళను మనం మన సొంతం అనుకుంటాం….. కానీ….” అన్నాడు.
కాజల్ కి ఇదంతా తననే అంటునట్టు అనిపించింది.
క్రిష్ “బటర్ ఫ్లైస్ లైఫ్ స్పాన్ ఎంత కాలం…. కొన్ని వారాలు, నెలలు లేదా సంవత్సరం…. ఆ తర్వాత నో మోర్ బటర్ ఫ్లైస్… ఆ మ్యాజిక్ పోయింది…. ఎదో కలిసి ఉండాలి కాబట్టి ఉంటారు… అంతే..”
కాజల్ “పెళ్లి అనే బంధం ఒకటి ఉంటుంది. అది చేసుకొని ఏడిస్తే నీకూ ఆ తేడా తెలుస్తుంది… నువ్వు జీవిస్తున్న ఈ సమాజంలో ఎంత మంది పెళ్ళిళ్ళు చేసుకొని జీవితాంతం కలిసి ఉంటున్నారు”
నిషా “హుమ్మ్…. చెప్పూ…”
క్రిష్ “ఎక్సాట్లీ…. ప్రేమ పోతుంది అని తెలుసు… వీళ్ళు విడిపోతారు అని తెలిసి వీళ్ళను కలిపి ఉంచడం కోసం ఏర్పాటు చేయ బడ్డ వ్యవస్థే… పెళ్లి… ప్రేమ అనే బంధం పోయింది కాబట్టి, పెళ్లి అనే బంధంలో అయినా కలిసి ఉంటారు అని పెళ్లి అనే దాన్ని కనిపెట్టారు” అని గట్టిగా చెప్పాడు.
ఇంతలో ఎవరో ఒక పెద్ద వయస్సు వ్యక్తీ వచ్చి క్రిష్ ని వెనక నుండి కర్రతో కొట్టాడు.
క్రిష్ “ఆహ్..” అని అరిచాడు.
కాజల్ కంగారుగా క్రిష్ ని దగ్గరకు తీసుకొని కూర్చో బెట్టి “అయ్యో…. క్రిష్…. ఏమయింది… ఎలా ఉంది…” అని అడుగుతుంది.
నిషా కోపంగా “ఏయ్…. పెద్దాయన… ఏం పిచ్చి పట్టిందా” అంటూ అరుస్తుంది.
క్రిష్ తల రుద్దుకుంటూ “ఆహ్…” అని అనుకుంటూ ఆ ముసలతనిని చూస్తూ “ఎవరయ్యా నువ్వు” అన్నాడు.
అతను క్రిష్ ని చూస్తూ “ఇప్పుడు ఏ బటర్ ఫ్లై కోసమని ఆ అమ్మాయి నీ కోసం పోట్లాడింది… ఈ అమ్మాయి నీ కోసం కంగారు పడింది”
కాజల్ “ఏమన్నా ఉంటే నోటితో చెప్పాలండి… అలాగని కొడతారా…” అంది.
క్రిష్ తల రుద్దుకుంటూ పైకి లేచి “చిన్న దెబ్బ కాబట్టి నా పక్కన ఉన్నారు… ఇదే ఏదైనా పెద్దది అయితే మొదట బాగానే ఉంటుంది… తర్వాత వదిలేసి వెళ్ళిపోతారు…. ప్రపంచం ఇలానే ఉంటుంది పెద్దాయన….. ప్రపంచం అంతా ఇలానే ఉంటుంది…. పక్కన వాళ్ళను ప్రేమించడం మానేసి మనల్ని మనం ప్రేమించుకోవడమే ఇవాళ్టి జీవిత సత్యం…” అన్నాడు.
కాజల్ కి క్రిష్ ని దెబ్బ తగలగానే అతని మీద ఉన్న కోపం మొత్తం పోయి అయ్యో అంటూ అక్కున జేర్చుకుంది. మళ్ళి అదే బాణిలా అలాగే మాట్లాడుతూ ఉంటే ఆ కర్ర తీసుకొని తనే కొట్టాలి అనిపించింది.
పెద్దాయన “నేను మూడు సంవత్సరాల క్రితం, అడ్డం బడ్డాను… ఓ రాత్రి పూట గాలి ఆడేది కాదు…. సుమారు 5-10 ఆసుపత్రులు తిరిగాను… నా ఆడది, నన్ను రాత్రింబవళ్ళు కనిపెట్టుకొని ఉండేది… మొత్తానికి దేవుడి దయ వల్ల నేను బయట పడ్డాను. కానీ…. ” అని గుటకలు మింగి “తనకు తల నొప్పి ఉండేదట ఏ నాడు బయటకు చెప్పలేదు. తలలో ఎదో గడ్డ ఉందట, ఈ పొద్దున్న ఆపరేషన్ చేశారు” అన్నాడు.
క్రిష్ “సారీ….”
పెద్దాయన “చూడు…. మోసం చేసే వాళ్ళు ఈ ప్రపంచంలో ఉన్నారు నేను కాదు అనను… అలాగే నిన్ను నిజంగా ఇష్టపడే వాళ్ళు కూడా ఉన్నారు…. వాళ్ళను కళ్ళతోనో, కళ్ళలోకో చూసినపుడు కాదు… మనసుతో, మనసును చూసినపుడు తెలుస్తుంది…” అన్నాడు.
క్రిష్ ఆలోచిస్తూ ఉన్నట్టు మొహం పెట్టాడు.
నిషా “క్లీన్ బౌల్డ్” అంది.
కాజల్ “మనసును చూడాలా….. అలాంటివి సినిమాలలో బాగుంటాయ్” అని చెప్పింది.
క్రిష్ ని చేయి పట్టుకొని కార్ దగ్గరకు తీసుకొని వెళ్ళింది.
అక్కడ ఆ మొదటి సర్వర్ గర్ల్ ఉంది.