అంత ఇల్లు చూపించక ఇద్దరం ఇంటి బయటకు వెళ్ళాము.
“సంజయ్ గారు, ఈ రోజేంటండి, కళ్ళార్పకుండా అలాగే చూసారు నన్ను………. ”
“నువ్వు చాలా అందంగా ఉన్నావ్ ఈ రోజు”
ప్రియా సిగ్గు పడింది.
“చాలా సిగ్గండి మీకు, చూడండి మీ బుగ్గలు ఎలా ఎర్రగా అయిపోయాయో. ఇప్పుడు ఇంకా అందంగా ఉన్నారు”
ప్రియ నా మాటలు విని ఎం చెయ్యాలో అర్థంకావటంలేదు. సిగ్గుతో ఉంది, నవ్వుతుంది, అలాగే కొంచెం షాక్ లో ఉన్నట్లుంది. నాకు కూడా ఫ్లో లో ఆలా వచ్చేసింది.
“సారి ప్రియ ఏమి అనుకోవద్దు, మాటలు ఆలా ఆలా వచేస్తుంటాయి కొన్ని సార్లు”
ప్రియా కొంచెం పెదాలతో నవ్వుతు తల అటు ఇటు ఊపి ఏమి మాట్లాడలేదు.
“నన్ను సంజయ్ అని పిలువు…… అండి గిండి కాదు….. ఎవరో పెద్దమనిషిని పిలుస్తున్నట్లుంది ఆలా అంటే”
ప్రియా నవ్వి “ఏమో సంజయ్ గారు, భర్తను ఏమండి అని పిలవాలి. మీరు నన్ను పేరు పెట్టి పిలవొచ్చు. ఇప్పుడు ఇంకా పెళ్లి కాలేదు కాబట్టి, సంజయ్ గారు అనే పిలుస్తాను ప్రస్తుతానికి”
కొంచెం ఆలా బయట ఉన్న తోట చూపించింది ప్రియ.
“ప్రియ…..”
“ఏంటి సంజయ్ గారు ??”
“ని ఫోన్ నెంబర్……. ”
“నా ఫోన్ నెంబరా ??”
నేను తల ఊపాను.
“మీరు చాలా ఫ్రాంకె కాదు ఫాస్టు కూడా…….. ”
“అంటే పెళ్లి మాటలు అయ్యాయి కదా అని ……… ”
“మన ఎంగేజ్మెంట్ ఇంకా నెల రోజులు టైం ఉంది, అప్పుడు మనం షాపింగ్ కు వెళ్ళినప్పుడు ఇస్తాను…… సరేనా సంజయ్ గారు ??”
తను కొంచెం నవ్వుతుంది కానీ దాచుకుంటుంది.
“ముందు మీ ఫోన్ నెంబర్ ఎంతో చెప్పండి” అని అడిగింది.
నేను నా నెంబర్ ఇచ్చాను తనకి. తన ఫోన్లో ఫీడ్ చేసుకుంది.
“ప్రియ ….. సరిగ్గానే నెంబర్ ఫీడ్ చేసుకున్నారా ??”
“చేసుకున్నానండి”
“లేదండి మీరు రాంగ్ నెంబర్ ఫీడ్ చేసుకున్నారు”
“సరిగ్గానే చేసానండి……. ”
“ఏది అయితే ఒక మిస్సెడ్ కాల్ ఇవ్వు నా నెంబర్ కి”
తన ఫోన్ తీస్కుని, ఏదో చెయ్య బోతుండగా….. ఒకసారి ఆగి…….. నా వైపు చూసింది. నేను నవ్వుతున్నాను.
“ఆమ్మో మీతో చాలా జాగ్రత్త సుమి…….. ”
“ఇక మీ అల్లరి చాలు…… నేను మీకు ఎంగేజ్మెంట్ షాపింగ్ అప్పుడు కాల్ చేస్తాను……. అప్పుడు మీకే తెలుస్తుంది నా నెంబర్”
కొంచెం ప్రియా ఎందుకో అంత ఇష్ట పడట్లేదు నెంబర్ ఇవ్వటానికి. అయితే ఇప్పుడే పెళ్లి మాటలు కుదిరాయి కాబట్టి తను నాకు ఇప్పుడే ఫోన్ నెంబర్ ఇస్తుంది అని నేను అనుకోవటం నా పొరపాటు. ఆడపిల్ల కదా కొంచెం జాగ్రత్త ఎక్కువ. తనకి కొంచెం సమయం కావాలి అనుకున్నాను. అయితే తనకు నా పై మంచి ఇష్టం, నమ్మకం కలిగినప్పుడు కచ్చితంగా తన ఫోన్ నెంబర్ నాకు ఇస్తుంది అనుకున్నాను.
అందరం కాసేపు అక్కడ ఉండి, భోజనం చేసి బయల్దేరబోతున్నాం….. ప్రియ వాళ్ళ అమ్మ నాన్న వెనుక నిల్చొని ఉంది. మేము వెళ్లొస్తాం అని చెప్పి వెళ్లే చివరి సమయంలో…… ప్రియ తన ఫోన్ తో చేయి ఊపింది…… నా ఫోన్లో కొత్త నెంబర్ తో మిస్సెడ్ కాల్ ఉంది. ప్రియా ఫోన్ చేసింది నాకు. అది చూసి, తన వైపు చూసి నవ్వాను. తాను కూడా నవ్వింది.
వెంటనే “ప్రియ డార్లింగ్” అని నెంబర్ ఫీడ్ చేసుకున్న ఫోన్ లో.
టు బె కంటిన్యూడ్ ………
ప్రియ తన ఫోన్ నెంబర్ ఇచ్చిన తర్వాత చాలా సంతోషంగా ఉండిపోయాను. తనకి ఒక మెసేజ్ చేద్దాం అనుకుని, మళ్ళా ఇప్పుడే వద్దు, ఒక వారం తర్వాత చేద్దాంలే అనుకున్నాను. అయితే ఫేస్బుక్ ఓపెన్ చేసి తనకు ఫ్రెండ్ రిక్వెస్ట్ పంపాను. నా ఫోన్లో సేవ్ చేసిన తన ఫొటోస్ అలాగే చూస్తూ, అలాగే ఏదో దొరికిన ప్రేమ కథ పుస్తకం online లో డౌన్లోడ్ చేసి చదువుతూ సమయం గడిపేశాను.
మరుసటి రోజు అందరూ ఆఫీస్ లో అందరూ నేనుందుకు ఈ రోజు చాల సంతోషంగా ఉన్నాను అని అడిగారు. నేను స్వీట్స్ తేవటం మరచిపోయాను. లంచ్ టైములో, బయటకు వెళ్లి స్వీట్స్ కొనుక్కొని వచ్చాను. అందరికి ఆఫీస్ లో పంచాను. అందరూ పెళ్లి ఎప్పుడు అని అడిగారు.
ఎంగేజ్మెంట్ కోసం శుభలేఖలు ప్రియ వాళ్ళే తాయారు చేయించి మాకు ఒక 10 కార్డులు పంపిస్తారు. కేవలం 20-30 మంది మాత్రమే వస్తారు. అటు వైపు ఒక 10 మంది ఇటు వైపు ఒక 10 మంది. ఒక చిన్న హోటల్ లో ప్రియ వాళ్ళ ఊరిలో చేసుకుంటున్నాము. పెళ్లి విషయంలో మంచి శుభలేఖలు తయారు చేయించి. అందరికి పంచాలి. కొంచెం గ్రాండ్ గా చేయాలి అనుకున్నాం కాబట్టి, చాలా పనులు ఉంటాయి.
నేను పదే పదే నా ఫోన్ లో ఫేస్బుక్ చూసుకుంటూ ఉండిపోయాను. చివరకి సాయంత్రం ఇంటికి వెళ్లి డిన్నర్ చేసే ముందు నోటిఫికేషన్ వచ్చింది నా ఫ్రెండ్ రిక్వెస్ట్ ప్రియ accept చేసినట్లు. నేనెందుకు ప్రియ గురించి ఇంత ఆతృతగా ఉన్నానో నాకే అర్థం కాలేదు.
ఒక మూడు రోజుల తర్వాత ఆఫీస్ లో ఉన్న టైములో ఫోన్ మోగింది. స్క్రీన్ పై “ప్రియా డార్లింగ్” అని ఉంది. వెంటనే ఫోన్ ఎత్తాను:
“హలో” అని అటు వైపు తీయని గొంతు
“ప్రియ”
“సంజయ్ గారు, ఎంగేజ్మెంట్ కి కార్డ్స్ తాయారు అయ్యాయి, కొంచెం మీ వైపు ఎవరెవరికి పోస్ట్ చేయాలో వారి పేర్లు అడ్రస్ లు ఇవ్వగలరా ??”
నాకు ఎం చెప్పాలో అర్థంకాలేదు.
“సరే ప్రియ, కొంచెం టైం ఇవ్వు, వాట్సాప్ చేస్తాను”
“సరే సంజయ్ గారు” అని ఫోన్ కట్ చేయబోతుండగా.
“ప్రియ ……. ” అని అన్నాను
“షాపింగ్ కు ఎప్పుడు అని ఎమన్నా అనుకున్నారా ?? అమ్మ నాన్నను ఊరికి పిలవాలి”
“ఇంకా లేదండి, వచ్చే వారం అన్నారు అమ్మ నాన్న. ఇంకా డబ్బులు అరెంజ్ చేసుకుంటున్నారు”
“మీరు ఏమి అనుకోకపోతే…… టికెట్స్ బుక్ చేయాలి కదా అమ్మ కి నాన్న కి కొంచెం డేట్ చెప్తే….. ”
“సరే సంజయ్ గారు…… నేను మీకు మళ్ళా ఫోన్ చేస్తాను”
“సరే ప్రియ”
ఫోన్ కట్ అయ్యింది. ఎందుకో ప్రియ తో మాట్లాడక చాలా ఆనందం కలిగింది. తన గొంతు వినగానే చెప్పలేని అనుభూతి. ప్రేమంటే ఇలాగె ఉంటుందా అనిపించింది.