షాప్ లోకి ప్రియ వాళ్ళు కూడా అప్పుడే వచ్చారు. ఇక్కడ మా ఎంగేజ్మెంట్ కు, సంగీత్ కు, పెళ్ళికి, పూజలకు బట్టలు కొనాలి. అయితే ఇద్దరకీ మాచింగ్ బట్టలు మరియు ఫోటోలలో బాగా వచ్చేవి కొనాలి. నాకు బట్టల గురించి పెద్ద మోజు కానీ అవగాహన కానీ లేదు. ఈ రోజు బట్టలేమో కానీ, ప్రియను మాత్రం బాగా చూడొచ్చు. అదేంటో తెలీదు, తన గురించి అస్సలు మరవలేకపోతున్నాను. ఎప్పుడు తన గురించే ఆలోచనలు. పిచ్చెక్కిపోతుంది. మొన్న టీవీ లో ఒక ప్రేమ సినిమా చూస్తూ, ఊహలలో విహరించాను. నా బుర్ర ను లవ్ హైజాక్ చేయినట్లుంది.
ప్రియ ఈ రోజు కూడా మోహంలో నవ్వు దాచుకొని నన్ను ఆలా ఆలా చూస్తూ నా వైపు చూసి కొంచెం కొంచెం సిగ్గుపడుతూ ఉంది. బాగా రెడీ అయ్యి, చాలా మంచి శారీ వేసుకొని చాలా క్యూట్ గా కనిపించింది.
ఆడవాళ్ళూ చీరాల గురించి చాలా సేపు తీసుకుంటారు కాబట్టి, మొదట నా బట్టలు తీసుకోవాలని అనుకున్నారు. మొదట కొన్ని డ్రెస్సులు చూపించారు. అయితే దాంట్లో ఒక డ్రెస్ నచ్చి, ఒకసారి ట్రయిల్ వేసుకోమన్నారు. లోపాలకి వెళ్లి ఆ డ్రెస్సు ను ధరించి, నా ఫోన్ తీసుకొని ప్రియ కి మెసేజ్ పెట్టాను “ఎలా ఉంది” అని. అప్పుడు బయటకు వచ్చాను.
అందరికి డ్రెస్ నచ్చింది. ఒకసారి ముందుకి వెనక్కి తిరగమన్నారు. డ్రెస్ ఒకే అనుకున్నారు. నాకు నచ్చిందా అని అడిగారు. నేను అప్పుడే ఫోన్ పాకెట్ లో నుంచి తీసి చూసాను. ప్రియ “thumbs down” సింబల్ పెట్టింది. నేను డ్రెస్ అంత నాకు నచ్చలేదు అని చెప్పాను. లోపలి వెళ్లి ఇంకోటి ట్రై చేశాను. మల్ల మెసేజ్ పెట్టి బయటకి వచ్చాను. ఈసారి ప్రియ అమ్మకి, నా అమ్మకి నచ్చింది కానీ ఇద్దరి నాన్నలకి పర్లేదు అనిపించింది. ఫోన్ లో “thumbs up” సింబల్ చూసాను. వెంటనే ఒకే చేశాను. ప్రియా కూడా చాలా సైలెంట్ గా ఆలా ఆలా నాకు మెసేజ్ లు పంపింది. మొత్తానికి ఒక మూడు డ్రెస్సులు సెలెక్ట్ చేసాము ఒక గంటలో.
ఇప్పుడు ప్రియ చీరలు కొనాలి. అయితే ఆడవాళ్లది కాబట్టి మేము పక్కకు వచ్చేసి కూర్చున్నాము. మేము దూరంగా జెంట్స్ సెక్షన్ లో ప్రశాంతంగా కూర్చున్నాము. సడన్ గా ఫోన్ వైబ్రేట్ అయ్యింది. ప్రియ తన శారీ పైన కొత్త శారీ భుజం పై వేసుకొని ఒక ఫోటో పంపింది. నాకు అర్ధం కాలేదు, ప్రియ కు ఇంత ధైర్యం ఎప్పుడు వచ్చింది అని. కొంచెం ఆశ్చర్యం వేసి, అమ్మతో మాట్లాడాలని సాకు పెట్టుకొని వాళ్ళ దగ్గరికి వెళ్లాను. ఇంకో కొత్త శారీ భుజం పై వేసుకొని తాపీగా ఫోటో తీసుకుంది. అంత ఓపెన్ గా ఎలా చేస్తుందో అర్థం కాలేదు. అక్కడ ఒక నిమిషం ఉంటె అర్థమైంది, ప్రియ వాళ్ళ ఆంటీ ఎవరికో పంపిస్తుంది ఫొటోస్, అలాగే నాకు కూడా.
నేను మల్ల వెనక్కు వెళ్లి. అప్పుడు ఒక్కో ఫోటో కి రిప్లై పెట్టాను. ఒక ఇరవై ఫోటోలు పంపింది. అన్నిటికి thumbs up పెట్టాను. తను నిజంగా అన్నిటిలో చాలా అందంగా కనిపించింది. కొంచెం సేపటి తర్వాత అన్ని మెసేజిలు డిలీట్ చేసేసింది. ఏమనుకుందో నాకు తెలీదు.
ఆ తర్వాత బయట ఒక హోటల్ లో తినేసి ఎంగేజ్మెంట్ ఉంగరాలు కొనటానికి వెళ్ళాము.
టు బి కంటిన్యూడ్ ……..
రింగ్స్ సెలెక్ట్ చేసుకోవటానికి వేరే షాపుకి వెళ్ళాము. అయితే రెండు మూడు షాపులలో మోడల్స్ చూసి రేట్ కనుక్కొని, రేపే కొనాలని ముందుగానే డిసైడ్ అయ్యాము. అలాగే ప్రియ కి శారీ కూడా ఇంకొకటి తీసుకోవాలి. అయితే, అన్ని మోడల్స్ చూసాము. నాకు ఒక రెండు మోడల్స్ నచ్చాయి కానీ ప్రియ కి ఏమి నచ్చలేదు, నచ్చినవాటికి రేట్లు నచ్చలేదు.
కొన్ని నగలు కూడా తీసుకోవాలని అనుకున్నారు. అందరం ఒకే చోట కూర్చున్నాం. నేను ప్రియని అలాగే చూస్తూ ఉండిపోయాను. తాను చాలా సెట్స్, బ్యాంగిల్స్, ఇయర్ రింగ్స్ చూసింది. తనను మొత్తం స్కాన్ చేస్తూ ఉండిపోయాను. తను ఆ జ్యువలరీ షాప్ లైట్స్ లో చాలా కళగా కనిపించింది. తను చాలా నాజూకుగా, లేతగా ఉన్నందువల్ల ఇంకా అందంగా కనిపించింది. తన అందమైన కాళ్ళని, పాల బుగ్గలని, ముద్దుగా ఉన్న ముక్కుని, ఎర్రని పెదాలని, లేతగా ఉన్న చేతులని, భుజాలని ఏ ఒక్కటి వదల్లేదు.
ప్రియ అమాయకంగా చూస్తూ తీయని గొంతుతో మాట్లాడే మాటలు నా మనసులో ఆశలు రేకెత్తాయి. మనసు నిండా తన పై ఒక ఉద్రేకంతో కూడిన ఒక బలమైన ఆకర్షణ. మా ఇద్దరి మధ్యలో ఏదో కనపడని తీవ్రమైన ఉద్రిక్తత. చాలా ఇబ్బందిగా అనిపించింది. గత రెండు వారాలుగా తన గురించే అన్ని ఆలోచనలు. ఆలోచనలు వేరే వైపు మళ్ళించాను. చివరకి షాప్ బయటకి వెళ్లి ఒకసారి అటు ఇటు నడిచి ఫోన్ లో ఒక గేమ్ ఆడి లోపాలకి వచ్చాను.
మొత్తానికి ఆ రోజు పని అవ్వలేదు. మరుసటి రోజు కూడా అంతే. చాలా కష్టపడ్డాను తన గురించి ఆలోచించకుండా ఉండటానికి. మొత్తానికి బట్టల పని, ఉంగరాలు కొనటం అయ్యింది. ఆ మరుసటి రోజు పెళ్లి కార్డులు డిజైన్లు చూసి ఒకటి సెలెక్ట్ చేసాము. కానీ అందరికి నచ్చడానికి ఒక రోజంతా రక రకాల డిజైన్లు చూసాము. కానీ ఈ మూడు రోజులు ప్రియా పక్కనే ఉండటంతో చాలా ఇబ్బందిగా ఫీల్ అయ్యాను. రాత్రి నిద్ర లేదు. ఇంకా పెళ్ళికి రెండున్నర నెలలు అంటే పిచ్చెక్కిపోయింది.
టు బి కంటిన్యూడ్…….
ఒక ఐదు రోజులు తర్వాత ……
ఈ ఐదు రోజులు ఆఫీసుతో బిజీ అయ్యి కొంచెం డైవర్ట్ అయ్యాను. అయితే ఒకసారి ప్రియని కలవాలని అనిపించింది. పోయినసారి అడిగినప్పుడు తను షాపింగ్ తర్వాత అన్నది. కొంచెం ఆ మూడు రోజులు కలసి తిరిగాము కాబట్టి, ఇప్పుడు తాను కొంచెం నాతో ఫ్రీ గానే మాట్లాడొచ్చు.
వీకెండ్ అని తనకి ఫోన్ చేసాను:
“హలో ప్రియ”
“హలో”
” ఇప్పుడు మాట్లాడొచ్చా ??”
“ఖాళీగానే ఉన్నను సంజయ్…..ఎందుకు ఫోన్ చేసావ్??”
“లాస్ట్ వీక్ మాట్లాడుకున్నాం కదా…….. ఒకసారి కలుద్దాం అని…”
“ఎక్కడ కలుద్దాం…….. ??”
వెంటనే “నైట్ డిన్నర్ కి రెస్తౌరంట్ కి వెళ్దాము ??”
“డిన్నర్ కా??”
“అవును డిన్నర్ కి…. ”
“….ఎక్కడ కలుద్దాం సాయంత్రం??”
“abxhy రెస్టరెంట్ లో కలుద్దాం”
“ఒకే…. టైం ??”
“నేను నిన్ను 6 కి పికప్ చేసుకుంటాను నీ ప్లేస్ నుంచి…. అడ్రస్ వాట్సాప్ చెయ్”
“ఒకే…..”
“ఈ రోజు వర్షం గ్యారంటీ…… ”
“ఎందుకు ??”
“నువ్వు వస్తాను అని మొత్తానికి ఒప్పుకున్నందుకు….”
తాను నవ్వుతుంది ఫోన్ లో.
“ఓకే బాయ్ ప్రియ…… ”
తన మనసు మారే లోపలే, కాల్ కట్ చేశాను. మొత్తానికి ప్రియా కొంచెం ఇప్పుడు ఫ్రీగా మాట్లాడుతుంది ఇంతకముందుకన్నా.
నేను ఈలోపల సెలూన్ కి వెళ్లి నీట్ గా కటింగ్, షేవింగ్ చేయించుకుని, తల స్నానం చేసి, మంచి బట్టలు వేసుకున్న. ఈ లోపల ప్రియా తన లొకేషన్ వాట్సాప్ చేసింది. ఇంకో ఫ్రెండ్ దగ్గర స్విఫ్ట్ కార్ తీసుకొని ప్రియ దగ్గరికి వెళ్లాను. దారిలో ఒక రోజా పువ్వు తీసుకున్న.
తన అపార్ట్మెంట్ దగ్గర కార్ పార్క్ చేసి తనకు ఫోన్ చేశాను. తాను 5 మినిట్స్ లో వస్తాను అని చెప్పింది. ఆడవాళ్లు 5 మినిట్స్ అన్నారంటే కచ్చితంగా అరగంట తీసుకుంటారు. అందుకే దగ్గరలో ఉన్న బంక్ కి వెళ్లి ట్యాంక్ హాఫ్ ఫిల్ చేయించి మల్ల ఎనక్కి వచ్చా. ఒక 10 నిమిషాలు గడిచింది. ఒక రెండు నిమిషాల తర్వాత తన నుంచి కాల్ వచ్చింది. తాను గేట్ దెగ్గరకు వచ్చింది.
చాలా మంచి చీర కట్టుకొని అందంగా తయారయ్యింది. నేను కార్ తన ముందు ఆపి డోర్ తీసాను. తాను కార్ ఎక్కింది.
“హాయ్….. ”
“హలో సంజయ్…..”
“చాలా అందంగా ఉన్నావ్ ప్రియ…..”
తను కొంచెం నవ్వి ఊరుకుంది. రెస్టారెంట్లో మాట్లాడుకోవచ్చు అని, మ్యూజిక్ ఆన్ చేసి లో వాల్యూం లో పెట్టాను. ఒక 20 నిమిషాల్లో అక్కడికి చేరుకున్నాము. బయట వాలె కి కార్ కీస్ ఇఛ్చి హోటల్ లోపలి ఇద్దరం వెళ్ళాము. రెస్టారంట్ లోపలి వెళ్లి మా రిసర్వుడ్ టేబుల్ లో ఇద్దరం కూర్చున్నాం.
ఇద్దరం ఒకళ్ళకి ఒకళ్ళం చాల దెగ్గరగా, ఎదురెదురుగా కూర్చోవటం ఫస్ట్ టైం. చాల ఎక్ససైటీంగా అని పించింది.
ఈ లోపల వెయిటర్ మెనూ కార్డు ఇచ్చాడు.
“ప్రియ….. ఎం తిందాం…..”
“నీ ఇష్టం…….”
రోటి, కర్రీ, బిర్యానీ, కర్డ్ రైస్ ఆర్డర్ ఇచ్చాను. వెయిటర్ వెళ్ళిపోయాడు.
“ఈ రోజు వర్షం గారంటీ ”
“ఎందుకు ??”
“మొత్తానికి నువ్వు ఒప్పుకుని ఇక్కడికి వచ్చినందుకు”
తాను నవ్వింది.
“సరే….. నేను ఎందుకు కలుద్దాం అన్నాను అంటే….. నీకు ఇంతక ముందు అపార్ట్మెంట్ గురించి చెప్పను కదా??”
“hmmm…. ”
“నేను అపార్ట్మెంట్ సెలెక్ట్ చేయాలి…. అయితే నీ అభిప్రాయం కూడా నాకు కావాలి……పోయిన వారం షాపింగ్, ఈ వారం ఆఫీస్ వర్క్, వచ్చే వారం ఎంగేజ్మెంట్ తో బిజీ కాబట్టి…. ఆ తర్వాత వారం….. నేను ఇప్పటి దాకా చూసిన అపార్ట్మెంట్స్ లో మూడు నచ్చాయి…… నువ్వే వాటిల్లో ఏది నచ్చిందో చెప్పాలి”