“మరి ఎలాగా”
“కావాలంటే పెళ్లి అయ్యాక స్వీటీ అని నన్ను పిలుచుకో”
“ఎంగేజ్మెంట్ అంటే సగం పెళ్లి అయినట్లే……ఇంకొక వారం లో మన ఎంగేజ్మెంట్….”
“సంజు కావాలంటే ఎంగేజ్మెంట్ అయ్యాక స్వీటీ అని పిలుచుకో……” అని చెప్పింది.
“ఒకే…….”
ఒక నిమిషం ఇద్దరం సైలెంట్ గా ఉన్నాం
ప్రియ కు ఫోన్ వచ్చిందని కొంచెం పక్కకు వెళ్ళింది. ఫోన్ ఒక రెండు నిమిషాలు మాట్లాడి మల్ల వచ్చి కూర్చుంది.
“ప్రియ, నువ్వు సాంగ్స్ బానే వింటావా ??”
“వింటాను…….”
“ఎలాంటి సాంగ్స్ ఇష్టం నీకు??”
“ఆలా ఏమి లేదు. బాగుంటే ఏ సాంగ్స్ ఐన వింటాను, పాడతాను”
“నువ్వు సాంగ్స్ పాడతావ్ కదా?? మరచిపోయాను నేను అసలు…….”
“ఓన్లీ ఓల్డ్ సాంగ్స్ లేదా లేటెస్ట్ కూడా పడతావా ??”
“పాత పాటలు ఎవరు పాడతారు?? చిన్నపుడు పాడేదాన్ని…. ఇప్పుడు లాస్ట్ 10-15 ఇయర్స్ సాంగ్స్ పాడతాను”
“నీ ఫేవరెట్ సింగర్ ఎవరు ??”
“శ్రేయ ఘోషల్”
“అనుకున్న”
“అంటే అందరూ సింగెర్స్ ఇష్టమే, కానీ ఈ కాలంలో ఉన్నవాళ్లలో……తను ఇష్టం”
“hmmmm…..”
“నువ్వు కంపెటిషన్స్ లో బాగా పాల్గొనివుంటావ్ గా??”
“హా అవును. చిన్నపుడు నా గొంతు విని పెద్ద సింగర్ అవుతానని అందరూ అనుకున్నారు”
“ఏమైంది తర్వాత??”
“10th వరకు బాగానే ఉండేది. ఇంటర్ నుంచి నీకు తెలుసుగా మన పరిస్థితి”
“hmmmmm ”
“అలాగే ఆ టైం లో సంగీతం మాస్టారు చనిపోయారు…ప్రాక్టీస్ ఆగిపోయింది…..”
” అదేలే”
“నీ గొంతు చాలా బాగుంటది….”
“థాంక్స్”
“అలాగే నువ్వు చాలా అందగా ఉన్నావ్”
“hmmm…”
“చాలా క్యూట్ గా కూడా ఉన్నావ్”
“ఇక చాలు నీ పొగడ్తలు”
ఇద్దరం నవ్వుకున్నాం. కానీ ఎందుకో ప్రియలో ఒక డిస్ కంఫర్ట్ చూసాను. ఫోన్ వచ్చిన తర్వాత నుంచి.
“ప్రియ….. నిన్నొకటి అడగొచ్చా ??”
“ఏంటి ??”
“ఫోన్ మాట్లాడినప్పటి నుంచి చూస్తున్నాను నిన్ను, అంత ఫ్రీ గా ఉన్నట్లు అనిపించడంలేదు నువ్వు….”
“సంజు……”
“ఏమైంది ??”
“నీకు ఒక విషయం చెప్పాలి”
“ఏంటి ??”
“….. ఇందాక అమ్మ ఫోన్ చేసింది…… ”
“ఓకే”
“నేను తనకి ఎప్పుడు అన్ని ఓపెన్ గా చెప్పేస్తాను…… ”
“ఒకే…. నేను మా అమ్మతో అంతే”
“కానీ మనం ఇలా కలసినట్లు తనకి చెప్పలేదు……నేను బిజీ గా ఉన్నానని తనకు మళ్లా ఫోన్ చేస్తాను అని చెప్పాను……. నేను ఆఫీస్ లో ఉన్నానా అని అడిగింది…… టెన్షన్లో…..నేను ఇంట్లోనే ఉన్నాను అని అబద్దం చెప్పను…. నేనుప్పుడూ తనతో ఆలా అబద్ధం ఆడలేదు”
నాకు తన విషయం అర్థమైంది. తను గిల్టీ గా ఫీల్ అవుతుంది.
“….నేను నిజం చెప్తే ఏమనుకుంటదో అని అబద్దం ఆడాను…… ఇప్పుడేమో నేనేదో తప్పుచేస్తున్న ఫీలింగ్ నాలో ఉంది….”
ఒక రెండు నిమిషాలు నిశబ్దం. నేను ఆలోచించడం స్టార్ట్ చేశాను. ఈ సిట్యుయేషన్ ఎలా సాల్వ్ చెయ్యాలి అని. ఎందుకంటే ప్రియ తో ఫస్ట్ టైం ఇలా బయటకు వచ్చాను. ఇలాంటి సిట్యుయేషన్ చెడటం నాకు అస్సలు ఇష్టం లేదు.
“ఒకే ప్రియ…….. ఇప్పుడు మీ అమ్మకు ఒకే అంటే నీకు ఒకే కదా ??”
ప్రియ మోహంలో కంఫర్ట్ వచ్చింది “అవును”
నేను నా ఫోన్ తీసుకొని “అంకుల్ నెంబర్ చెప్పు…..”
“సంజయ్ ఏంచేస్తున్నావ్?? నాన్నకి ఫోన్ చేస్తావా ??”
“అవును…..”
“సంజు వద్దు…..నాన్న స్ట్రిక్ట్…..”
“నేను చెప్తాగా….”
“సంజు…..”
“నెంబర్ చెప్పు ప్లీజ్”
“సరే నోట్ చేసుకో….. ”
నేను నెంబర్ డయల్ చేసాను. ఫోన్ రింగ్ అవుతుంది.
“హలో అంకుల్, నేను సంజయ్ మాట్లాడుతున్నాను హైదరాబాద్ నుంచి”
“అల్లుడు గారు చెప్పండి…..”
“ఎం లేదు అంకుల్, ప్రియ ను నేను బయటకు తీసుకొని వెళ్లాలనుకుంటున్నాను….. మీ పర్మిషన్ కావాలి….. అందుకే ఫోన్ చేశాను మీకు”
“బయటక ??”
“అవును అంకుల్. ఒక రెస్టారంట్ కి డిన్నర్ కోసం వెళ్లాలని. 9:30 లోపల తనను ఇంట్లో డ్రాప్ చేస్తాను”
“బాబు పెళ్లికి ముందు ఇలాంటివి……”
“జస్ట్ డిన్నర్ అంకుల్. ప్లీజ్…… వచ్చే వారం ఎంగేజ్మెంట్ కదా కుదరదు….. అందుకే…. అంటే ఇప్పుడు ఆఫీస్ వర్క్ లేదు… ఇప్పుడు టైం ఉంది…. మళ్ల నాకు టైం దొరకదు అంకుల్, బాగా బిజీ అయిపోతాను…..”
“సరే బాబు కానీ తొందరగా ముగించుకొని ఇంటికి వచ్చేయండి….. అసలే రోజులు బాగోలేవు”
“థాంక్స్ అంకుల్……తనను రాత్రి ఇంట్లో డ్రాప్ చేసాక మీకు ఫోన్ చేసి చెప్తాను….. ”
“అలాగే బాబు”
ఫోన్ పెట్టేసి “ఇప్పుడు ఒకే నా ??”