క్లాస్ కెప్టెన్ : కోపంతో ఊగిపోతూనే బాల్ బౌలర్ కు అందించి యార్కర్ వెయ్యమని సైగలుచేశాడు .
మాస్ టీం : వీళ్ళు యార్కర్ ఎప్పుడు వెయ్యాలి రేయ్ గెట్ రెడీ బ్యాట్ పిచ్ బాల్ అని గట్టిగా కేకలువేసి నవ్వుకుంటున్నారు .
క్లాస్ బౌలర్ పరుగునవచ్చి యార్కర్ వెయ్యాలనుకున్నా అనుభవం లేనట్లు టాస్ బాల్ వేసాడు .
అంతే ఆ బంతి కూడా బయటకువెళ్లేదే జస్ట్ మిస్ , గోడ చివరన తాకి గ్రౌండ్ లోనే పడిపోయింది .
మాస్ పిల్లలు : యార్కర్ అంట యార్కర్ , కనీసం బ్యాట్ పిచ్ కూడా కాదు బుజ్జిపిల్లలకు వేసినట్లు టాస్ బాల్ వేసాడు అని కేరింతలు కొడుతున్నారు .
అంతే క్లాస్ కెప్టెన్ కు తోడుగా వాళ్ళ టీం అంతా ఒకదగ్గరిచేరి , బాల్ బయటకు వెళ్లి ఉంటే మనమే గెలిచేవాళ్ళము రేయ్ మరింత టాస్ వెయ్యాల్సింది అని కన్నింగ్ స్మైల్ నవ్వుకుంటున్నారు .
బ్యాట్స్ మన్ : రేయ్ రేయ్ ……. అలా అని మేము ఒప్పుకోలేదు .
మా గ్రౌండ్ మా ఇష్టం రా ఇప్పుడే రూల్స్ మార్చాము – మీ బెట్టింగ్ డబ్బులు మాకు ఇచ్చారు గుర్తుపెట్టుకోండి – ఇంకొక్కసారి బయటకు కొడితే మీరు ఓడిపోయినట్లే , డబ్బులు మాకే ……..
బ్యాట్స్ మన్ : డబ్బులు మీకేమి తక్కువరా , ఒక్కొక్కడూ బాగా బలిసినోళ్లు కదా ………..
క్లాస్ కెప్టెన్ : అవును మేము రిచ్ మీరు పూర్ – ఇక్కడ డబ్బు మ్యాటరే కాదు , మా costly ఏరియాలోకి అడుగుపెట్టడానికి కూడా మీకు అర్హత లేదు – అయినాకూడా ఏకంగా గ్రౌండ్ లోకి రప్పించాము ఎందుకు మాకు ఓడిపోయే ఒక టీం కావాలి కాబట్టి – ఓడిపోయిన తరువాత మీ ముఖాలను చూసి మేము ఎంజాయ్ చెయ్యాలని – ఈ బెట్ మాకు కాలేజ్ ఇంటర్వెల్ బిల్ తో కూడా సమానం కాదురా అని హేళన చేస్తున్నారు .
బ్యాట్స్ మన్ : ఇందుకోసమారా మమ్మల్ని లోపలికి పిలిపించినది సెక్యూరిటీని పంపిమరీ …….. , ఫ్రెండ్షిప్ కొద్దీ పిలిచారని సంతోషంతో వచ్చాము కదరా ……..
క్లాస్ కెప్టెన్ : ఇంకొక్కసారి రా అన్నావంటే మా సెక్యూరిటీని పిలిపించి కొట్టిస్తా ……
మరొక బ్యాట్స్ మన్ : రేయ్ ……..
బ్యాట్స్ మన్ : ఆపి , రేయ్ మనం అడుగగానే బెట్ మొత్తం వాళ్లకు కలిపి తప్పుచేసామురా ……. , మనకు డబ్బు ముఖ్టం – ok ok బాల్ బయటకు కొట్టకుండా గెలిస్తే డబ్బులు ఇస్తారా ….. ? .
క్లాస్ కెప్టెన్ : ఇలా దారికి రండి , మీవాళ్ళు ఒక్కడు కూడా విజిల్స్ కేకలు వేయకూడదు .
బ్యాట్స్ మన్ : కరెంట్ బిల్ , వాటర్ బిల్ , రేషన్ డబ్బులు కడతామని తీసుకొచ్చిన డబ్బులు – అవి పే చెయ్యకపోతే మా ఇళ్లల్లో మమ్మల్ని గొడ్డును కొట్టినట్లు కొడతారు – మేము బయటకు కొట్టము , మావాళ్ళు విజిల్స్ వెయ్యరు మ్యాచ్ కంటిన్యూ చేద్దాము .
పిల్లలే అయినా బలుపు చాలానే ఉంది వీళ్లకు ఇలాంటి రూల్స్ నేనెక్కడా వినలేదు చూడలేదు అని ఆశ్చర్యపోయాను .
నెక్స్ట్ త్రీ బాల్స్ వరుసగా నేలను తాకుతూనే మూడువైపులా మూడు ఫోర్లు వెళ్లేలా కొట్టాడు .
పెవిలియన్ లో ఉన్న పిల్లలు విజిల్స్ – కేకలు వెయ్యబోయి రేయ్ రేయ్ …… కరెంట్ బిల్ రా అని నోటికి తాళం వేసుకున్నారు .
బ్యాట్స్ మన్ ఆడిన విధానం ( సులభంగా సిక్స్ కొట్టే బంతిని కూడా చాకచక్యంగా ఫోర్ గా మలిచిన ) భలే కిక్కిచ్చినట్లు నేరేడు పళ్ళ ఎనర్జీతో విజిల్ వేసాను .
బ్యాట్స్ మన్ కంగారుపడుతూ – ఫీల్డింగ్ క్లాస్ టీం కోపంతో విజిల్ సౌండ్ వైపు చూస్తున్నారు .
నేనెలా కనిపిస్తాను చెట్టు ఆకుల మధ్యన దాక్కున్నాను కదా , నోటిని చేతులతో మూసుకుని నవ్వుకున్నాను .
బ్యాట్స్ మన్ : రోడ్డుపై వెళుతున్న కార్ విజిల్ అయి ఉంటుంది అని చెప్పడంతో అందరూ కూల్ అయ్యారు .
అప్పటికే 5 బంతులు 24 రన్స్ రావడంతో ఇలా అయితే రెండు ఓవర్ లలో మ్యాచ్ గెలిచేలా ఉన్నారు కాబట్టి గ్రౌండ్ బయటవెళ్ళిపడేలా , హైట్ నోబాల్ హైట్ లో బంతిని బలంగా విసరమని కన్నింగ్ స్మైల్ తో చెప్పాడు – బ్యాట్ బంతిని తాకగానే గోడ బయటకు వెళ్ళిపడాలి .
బౌలర్ : అర్థమైంది కెప్టెన్ ఇక గెలుపు మనదే అని మరిన్ని అడుగులు వెనక్కువెళ్లాడు రేయ్ మీ పని అయిపోయినట్లే ……… అనుకున్నట్లుగానే హైట్ నోబాల్ వెయ్యడం ఎక్కడ తగులుతుందేమోనని బ్యాట్ ఊపడంతో ఆ స్ట్రోక్ కు బంతి మొదటి సిక్స్ కంటే దూరంగా గోడ అవతల పడింది .
బ్యాట్స్ మన్ అయ్యో అంటూ నెత్తిపై చేతినివేసుకుని వెంటనే రేయ్ రేయ్ రేయ్ నో బాల్ నో బాల్ అంపైర్ నో బాల్ అంటూ గెలుపు సంబరాలలో ఉన్న కెప్టెన్ దగ్గరికి వెళ్ళాడు .
క్లాస్ కెప్టెన్ : గుడ్ బాల్ నో బాల్ ……. ఏ బాల్ అయితేనేమి గోడను దాటితే మేము గెలిచినట్లే అని చెప్పామా లేదా ……. , సో గు** నోరు మూసుకుని బయటకు దేంగేయ్యండి .
బ్యాట్స్ మన్ : రేయ్ రేయ్ ……. ఎలాగైనా తిట్టుకో మా డబ్బునైనా ఇవ్వు , బిల్స్ కట్టకపోతే ఇంట్లో మమ్మల్ని కొడతారు .
క్లాస్ కెప్టెన్ : సావ కొట్టడం కూడా మేము కళ్లారా చూసే అదృష్టం లభిస్తే భలే ఉంటుంది ప్చ్ …….. మిస్ అవుతున్నాము . అయినా ఓడిపోయినవాళ్లకు బెట్ డబ్బులు వెనక్కు ఇవ్వరు – మీరే వెళతారా లేక సెక్యూరిటీని పిలిపించి బయటకు తోసేయ్యమంటారా …….. తినడానికి తిండి లేదు కానీ మ్యాచ్ గెలవడానికి వచ్చారు ముష్టి వెధవలు ……..
బ్యాట్స్ మన్ : రేయ్ మమ్మల్నే అంతమాట అంటావా అని క్లాస్ కెప్టెన్ కాలర్ పట్టుకున్నాడు .
క్లాస్ కెప్టెన్ : ఎంత ధైర్యం రా నీకు నన్ను టచ్ చేయడానికే మీలాంటి వాళ్లకు అర్హత లేదు అలాంటిది ఏకంగా నా కాలర్ పెట్టుకుంటావా అని తోసేసి కాళ్లతో తన్నాడు .
రేయ్ మావాడినే కొడతారా అని వచ్చిన మరొక బ్యాట్స్ మన్ ను కూడా కిందపడేసి ఇష్టమొచ్చినట్లు కొడుతున్నారు , చేతులలో బ్యాట్లు లేవు కానీ వాటితోనూ కొట్టేవాళ్లే ……….
రేయ్ రేయ్ మావాళ్లనే కొడతారా అని బ్యాట్స్ – వికెట్స్ చేతపట్టుకుని కోపంతో పరుగునవచ్చారు మాస్ టీం అంతా ……….
వారిని చూడగానే క్లాస్ టీం భయపడిపోయినట్లు dad mom సెక్యురిటీ అంటూ గట్టిగా కేకలువేస్తూ వారి నుండి తప్పించుకోవడానికి నావైపుకు పరుగులు తీస్తున్నారు ఉచ్చపడినట్లు ………
గాలివాన చినికి చినికి తుఫానులా మారినట్లు చూస్తుంటే ఇక్కడ రక్తం చిందేలా ఉందని – బ్యాట్ , వికెట్ తో బలంగా కొడితే తలలు పగిలినా పగులుతాయి – అభం శుభం తెలియని అమాయకమైన వయసు చూస్తూ ఊరుకోలేను అని అంతెత్తు గోడను జంప్ చేసి పరుగునవెళ్ళాను .
మరొకవైపు నుండి సెక్యూరిటీ పిల్లలూ పిల్లలూ ఆగండి ఆగండి అని పరుగునవస్తున్నారు .
దొరికావురా కెప్టెన్ గా అంటూ వాళ్ళవైపుకు తిప్పుకుని అంతెత్తుకు బ్యాటుని – వికెట్స్ ఎత్తి నెత్తిపై కొట్టేంతలో ……..
మధ్యలోకివెళ్లి బ్యాటు – ఒక వికెట్ ను చేతితో ఆపగలిగాను కానీ మరొక వికెట్ నా భుజంపై పెద్ద దెబ్బనే రుచి చూయించింది .
అవ్వా …….. అంటూ నేను – భయంతో మమ్మీ అంటూ క్లాస్ కెప్టెన్ కళ్ళుమూసుకున్నాడు నన్ను పట్టుకుని – బాబూ మురళీ అంటూ దూరం నుండి పేరెంట్స్ మరికొంతమంది – సెక్యూరిటీ కంగారుపడుతూ రేయ్ రేయ్ అంటూ వచ్చి చూసి హమ్మయ్యా …….. బ్రతికిపోయాము అంటూ పిల్లల నుండి బ్యాట్స్ వికెట్స్ లాక్కుని దూరంగా పడేసి , ఎంత ధైర్యం రా మీకు కొద్దిలో ఉంటే చంపేసేవాళ్ళు , మిమ్మల్ని ఊరికే వదిలేవాళ్ళు కాదు వీళ్ళు అంటూ దూరం తీసుకెళ్లి చేతిలోని కర్రలతో కొట్టి …….. , మేడం సర్స్ …….. బాబుకు ఏమీకాలేదు అని క్లాస్ పిల్లలందరినీ సేఫ్ గా వారి పేరెంట్స్ దగ్గరికి చేర్చారు .
పేరెంట్స్ : మై బాయ్ , నాన్నా , బాబూ …….. మీకేమీ కాలేదుకదా …….
సెక్యురిటీ : ఏమీకాలేదు మేడం , ఎవరోకానీ ఆ అబ్బాయి గోడ పైనుండి కిందకు దుంకిమరీ సరైన సమయంలో అడ్డుపడ్డాడు – ఒక్క క్షణం ఆలస్యమైనా ఊహించని సంఘటన జరిగిపోయేది – ఆ అబ్బాయికి గట్టి దెబ్బే పడినట్లుంది మేడం …….
పేరెంట్స్ : థాంక్స్ బాబూ …….. దేవుడిలా వచ్చి రక్షించావు .
స్స్స్ …….. అంటూ నొప్పితో చేతిని విదిల్చాను .
ఒక పేరెంట్ : నో నో నో అలా చెయ్యకు అంటూ షర్ట్ తొలగించి చెక్ చేసి , భుజం ఎముక విరిగినట్లుగా ఉంది తొందరగా వెళ్లి ట్రీట్మెంట్ చేయించుకో బాబూ …….. వెళ్లు వెళ్లు లేకపోతే నొప్పి మరింత పెరుగుతుంది .
మేడం : మీరు డాక్టర్ కదా మన పిల్లలను ఇందులో మీ పిల్లాడు కూడా ఉన్నాడు కాపాడిన ఈ పిల్లాడికి మీరే ట్రీట్మెంట్ చెయ్యొచ్చుకదా …….
డాక్టర్ : చెయ్యొచ్చు కానీ జీవితంలో ఇప్పటివరకూ ఫ్రీ గా ట్రీట్మెంట్ చెయ్యనేలేదే ………
మేడం : ఇప్పుడు కూడా ఇలా ఆలోచిస్తే ఎలా …… , మీ ఫీజ్ మేము భరిస్తాము .
డాక్టర్ : అయితే ok నాకేమీ అభ్యంతరం లేదు . నాకు కావాల్సింది ఫీజ్ ఎవరు ఇస్తే ఏమిటి .
గుంపులో : తరాలు కూర్చుని తిన్నా కరగని ఆస్తిని సంపాదించావు – సిటీలోనే బిగ్గెస్ట్ హాస్పిటల్ ……… సొంత కొడుకు ప్రాణాలు కాపాడిన పిల్లాడికి ట్రీట్ చెయ్యడానికి కూడా ఫీజ్ అడుగుతున్నాడు మినిషా లేక ………
డాక్టర్ : ఇలాంటివన్నీ పట్టించుకునే వాడిని అయితే ఇప్పుడు ఈ స్థాయిలో ఉండేవాడిని కాదు – మీ మొగుల్లేమీ తక్కువ వాళ్ళు కాదు వాళ్ళ వాళ్ళ ప్రొఫెషన్ లో నాలానే ఉన్నారు . అయినా ఈ అలగాజనం పిల్లలను లోపలికి ఎవరు రానిచ్చింది – సెక్యూరిటీ …….. నిద్రపోతున్నారా ? .
సెక్యురిటి : మేము వద్దనే అన్నాము సర్ , పిల్లలే మ్యాచ్ కోసం రప్పించుకున్నారు .
డాక్టర్ : సరే సరే ముందు వాళ్ళను బయటకు గెంటెయ్యండి .
మాస్ పిల్లలు : మ్యాచ్ మేమే గెలిచేవాళ్ళము మా బెట్టింగ్ డబ్బు – వీళ్లిద్దరి ట్రీట్మెంట్ డబ్బు ఇస్తే వెళతాము లేకపోతే మీ పిల్లలను ఊరికే వదిలేది లేదు .
క్లాస్ కెప్టెన్ మురళి : డబ్బులే కాదు మమ్మల్నే కొట్టడానికి ఎత్తిన బ్యాట్స్ కూడా ఇచ్చేది లేదు ఎవరికి చెప్పుకుంటారో చెప్పుకోండి – సెక్యురిటి అందరినీ బయటకు లాగి పడేయ్యండి .
డాక్టర్ : మా పిల్లలనే కొడతారా కొట్టిమరీ బయటకు తోసేయ్యండి . ఇంకెప్పుడూ లోపలకు వదలకండి .
ఐదారుమంది సెక్యూరిటీ వచ్చి కర్రలతో బయటకు తోసేస్తున్నారు .
మాస్ పిల్లలు : రేయ్ మురళీ అండ్ గ్యాంగ్ ……. డబ్బుతో గుద్దబలిసి కొట్టుకుంటున్నారు . ఇప్పుడు ఇక్కడ మీ పేరెంట్స్ సెక్యూరిటీ మరియు మా అందరినీ నుండి ఒక్కడై ఆ పిల్లాడు అడ్డుపడ్డాడు – ఈ గేట్ దాటి బయటకు రారా అప్పుడు చెబుతాము మీ సంగతి , అడ్డుకోవడానికి వాడు కూడా ఉండడు – కాలేజ్ లో మీరొక్కరే ఉంటారుకదా , కాలేజ్ గేట్ జంప్ చేసిమరీ మీ అంతు చూస్తాము . డబ్బు పోయిందని చెబితే మా నాన్నలు ఎన్ని దెబ్బలు కొడతారో అంతకు రెట్టింపు మిమ్మల్ని సావ కొడతాము ఇదే మా ఛాలెంజ్ ……..
క్లాస్ పిల్లలు : mummy – dad …….. భయమేస్తోంది . వాళ్ళు చెప్పినట్లు కాలేజ్లో ……..
మేడమ్స్ : ఇప్పుడెలా ……. , అనుక్షణం పిల్లలతో ఉండటం కుదరదు – ఈ సెక్యూరిటీ వాళ్ళను నమ్మడానికి వీల్లేదు – కాలేజ్ కు పంపించకుండా ఉండలేము .
గుంపులో ఒకరు : ఈ పిల్లాడిని మన పిల్లలతోపాటు కాలేజ్ కు పంపిస్తే సరి ……
మేడమ్స్ : అవునవును , ఎవరో తెలియకుండానే ప్రాణాలకు తెగించి మన పిల్లలను కాపాడాడు . బాబూ ……. నీ పేరేంటి ? నువ్వెవరు ? మీ పేరెంట్స్ ఎవరు ? ఏమి చేస్తుంటావు ?
నా పేరు మహేష్ – అనాధను మేడం – govt కాలేజ్లో 10th క్లాస్ చదువుతున్నాను , చదువుకుంటూనే ఇక్కడకు పనికోసం ………
సెక్యూరిటీ : ఆ గుర్తొచ్చింది మేడమ్స్ పనికోసమని గేట్ దగ్గరకు వస్తే మేమే పంపించేసాము , లోపలికి రావడానికి గోడ ఎక్కినట్లున్నాడు .
మేడమ్స్ : 10th క్లాస్ అన్నావుకదూ ఎక్కడ govt కాలేజ్ కదా , మా పిల్లలు కూడా 10th 9th 8th ……. చదువుతున్నారు . వీళ్ళతోపాటు నువ్వుకూడా చదువుకోవచ్చు , నీ ఫీజ్ మొత్తం మేమే భరిస్తాము , govt కాలేజ్ నుండి మా పిల్లల ఇంటర్నేషనల్ కాలేజ్ కు మార్పిస్తాము , నువ్వు చెయ్యాల్సినదల్లా మా పిల్లలు ఎక్కడకువెళ్లినా తోడుగా ఉండి జాగ్రత్తగా ఇంటికి తీసుకురావాలి . అనాధ అన్నావు కాబట్టి ఉండటానికి చోటు ఇస్తాము – మూడు పూటలా భోజనం పెడతాము – నెల నెలా పనికితగ్గ డబ్బు ఇస్తాము .
మూడుపూటలా భోజనం అని వినగానే నా కళ్లల్లో కన్నీళ్లు ధారలా కారిపోతున్నాయి .
పిల్లలు : మమ్మీ మమ్మీ …….. వీడెవడో ఇష్టం లేదు కానీ , వీడు ప్రక్కనే ఉంటే కాస్త దైర్యంగా ఉంది మమ్మీ …….. , మమ్మల్ని వదిలి ఎక్కడికీ వెళ్లకూడదు అని గట్టిగా చెప్పండి లేకపోతే కాలేజ్ కు వెళ్ళము .
మేడమ్స్ : బాబూ …….. నీకు ఇష్టమే కదా ……
ఇష్టం ఇష్టం అంటూ కన్నీళ్లను తుడుచుకున్నాను .
మేడమ్స్ : ఏంటీ కన్నీళ్లు నొప్పివేస్తోందా ? , డాక్టర్ ……. కాస్త తొందరగా ……..
డాక్టర్ : ఇక్కడే ఎలా ట్రీట్ చెయ్యను , ఇంటి బయట ఉన్న క్లినిక్ కు తీసుకెళ్లాలి , రేయ్ ……. ఫాలో అవ్వరా అని తన కొడుకు చేతిని పట్టుకుని నడిచాడు .
వెనుకే వెళ్లడంతో స్కాన్ చేసి భుజపు ఎముకను సరిచేసి భుజం నుండి చేతివరకూ పుత్తూరు కట్టును కట్టాడు . వారం వరకూ ఎడమ చేతిని కదిలించకు అని చెప్పి ఇంజక్షన్ టాబ్లెట్స్ ఇచ్చి అందరి నుండి ఫీజ్ తీసుకుని కానీ నన్ను బయటకు వదలలేదు మహానుభావుడు .
నొప్పివలన సరిగ్గా చూడలేదు కానీ స్ట్రీట్ కు ఇరువైపులా ఒకటి మించిన మరొక బిల్డింగ్స్ అత్యద్భుతమైన ఆర్కిటెక్చర్ తో నిర్మించినట్లు ఒక విలాసవంతమైన లోకంలోకి అడుగుపెట్టాను అనిమాత్రం తెలిస్తోంది .
నన్ను ఎవరి ఔట్ హౌస్ లో ఉంచుకోవాలి అని పోటీపడుతున్నారు ఎందుకంటే వారి అబ్బాయికి దగ్గరగా ఉంటాను అని .
చివరికి కెప్టెన్ మురళి అమ్మగారు విజయం సాధించినట్లు , మహేష్ అన్నావుకదా ……. మహేష్ రా వెళదాము అని వారి ఇంటికి పిలుచుకునివెళ్లారు .
సెక్యురిటి పెద్ద గేట్ తెరవగానే బిల్డింగ్ మరియు పూలమొక్కలతో గల పెద్ద కాంపౌండ్ ను అలా చూస్తూ ఉండిపోయాను .
మేడం : సెక్యురిటి …….. ఈ పిల్లాడి పేరు మహేష్ , ఈ రోజు నుండీ ఔట్ హౌస్ లో ఉంటాడు – ఎప్పుడు వచ్చినా లోపలకివదలండి . మహేష్ ……. అదిగో అదే ఈరోజు నుండి నువ్వు ఉండబోయే చోటు . భోజనం చేశావా అని అడిగారు .
తలను అడ్డంగా – నిలువునా ఊపాను .
మేడం : చూస్తుంటేనే తెలుస్తుంది . ఔట్ హౌస్ లోపలే బాత్రూం ఉంది ఫ్రెష్ అవ్వు – కట్టుకు నీళ్లు తగలనివ్వకు – పనిమనిషితో ఫుడ్ పంపిస్తాను అని కీస్ అందించారు.
థాంక్యూ soooooo మచ్ మేడం .
మేడం : మహేష్ ……. పొరబాటున గానీ ఇంట్లోకి రావద్దు , మీ సర్ మరియు మురళికి నీలాంటివాళ్ళు అంటే ఏమాత్రం ఇష్టం లేదు , మీ సర్ ఎప్పుడు కనిపించినా తలదించుకుని వెళ్ళాలి సరేనా ……..
అలాగే మేడం , మీరు ఎలా అంటే అలా ………
మేడం : రేపు ఒక్కటే కాలేజ్ ఉంది నెక్స్ట్ రోజు నుండి వారం రోజులు పండగ సెలవులు – రేపు కూడా వెళ్లకూడదు అని పిల్లలు ఫిక్స్ అయిపోయారు కాబట్టి నో ప్రాబ్లమ్ , ఈ వారంలో నీ ఎముక కూడా జాయింట్ అయిపోతుందని డాక్టర్ చెప్పారు , వీలుచూసుకుని చెబితే డ్రైవర్ ను తోడుగా పంపిస్తాను govt కాలేజ్ కు వెళ్లి TC తీసుకురావచ్చు .
TC సంగతి నేను చూసుకుంటాను మేడం , అంత పెద్ద కాలేజ్లో చదివే అవకాశం అదే అదే నా మొదటి కర్తవ్యం మురళీ వాళ్ళకు తోడుగా ఉండే పని దొరికినందుకు చాలా హ్యాపీ ……..
మేడం : thats గుడ్ బాయ్ ……. , వెళ్లు వెళ్లి ఫ్రెష్ అవ్వు – బట్టలుకూడా చిరిగిపోయాయి , ఫుడ్ తోపాటు మురళి పాత బట్టలు పంపిస్తాను వేసుకో …….
థాంక్స్ మేడం – థాంక్స్ మురళి ………
మురళి : మురళి కాదు మురళి సర్ అని పిలవాలి గుర్తుపెట్టుకో అని పొగరుబోతులా చెప్పాడు .
మేడం : చెప్పానుకదా మహేష్ , మురళికి అన్నీ వాళ్ళ డాడీ పొలికలే వచ్చాయి – వాళ్ళు ఎలా అంటే అలా ……..
అలాగే మేడం , థాంక్యూ మురళి సర్ ……..
మురళి : నన్ను ఎప్పుడూ తాకడానికి ప్రయత్నించకు , నన్నే కాదు నా ఫ్రెండ్స్ ఎవ్వరినీ నువ్వు తాకడం వాళ్లకు గానీ – వాళ్ళ పేరెంట్స్ కు గానీ ఇష్టం లేదు అని చెప్పి మేడం తోపాటు లోపలికివెళ్లాడు .
వీళ్ళు ఎలా ఉంటేనేమి , చిన్న పని దొరికితే చాలు అనుకున్నాను కానీ ఏకంగా విలాసవంతమైన ఏరియా లో ఇష్టమైన పని దొరికింది అని మనసులో అనుకుని వెళ్లి ఔట్ హౌస్ తాళం తెరిచి డోర్ ఓపెన్ చేసి లోపలికివెళ్లి చిరునవ్వులు చిందిస్తూ చుట్టూ తిరిగి తిరిగి పదే పదే చూస్తూ ఉండిపోయాను – బహుశా ఫైవ్ స్టార్ హోటల్ లో గదులు ఇలానే ఉంటాయేమోనని నన్ను నేను మరిచిపోయాను .
ఇంతవరకూ ఉన్న ఇంటికంటే పెద్దదైన హాల్ – హాల్ మధ్యలో బెడ్ – ఫ్రిడ్జ్ – AC – టేబుల్ చైర్ – షెల్ఫ్ – కప్ బోర్డ్స్ ……… అవసరానికి మించినవన్నీ ఉండటం చూసి నిజంగా ఇక్కడ ఉన్నానా లేక కలగంటున్నానా అని నన్ను నేను గిల్లుకుని పొందిని ఆనందానుభూతిని మాటల్లో వర్ణించనేలేను .
మేడం గారు భోజనం పంపించేలోపు ఫ్రెష్ అవ్వాలి బాత్రూం ఎక్కడ అని చుట్టూ చూసి ఒక మూలన ఉన్న డోర్ తెరిచాను . బాత్రూమ్స్ ఇలాకూడా ఉంటాయా అని ఆశ్చర్యానికి లోనయ్యాను . షవర్ – గీజర్ – బాత్ టబ్ – మిర్రర్స్ కూడా ఉండటం చూసి కొత్త లోకంలోకే వచ్చాను . ఈ విలాసం అవ్వలకు పిల్లలకు పాపాయిలకు కూడా లభించాలి అని ప్రార్థించి , స్నానం చేయాలి అని ఉన్నా కట్టు తడవకూడదు కాబట్టి ఫేస్ వాష్ చేసుకుని హాల్ లోకివచ్చాను .