నేను గొడ్డలి ఎత్తి చెక్క మీద వేయడంతో అది రెండుగా చీలిపోయింది. కలప నరకడం నాకు చాలా సంతృప్తినిచ్చింది, మాకు చాలినంత వున్నా, నాకు ఇంకా కావాలనిపించింది. నేను కలపని ఒక కుప్పలో పెట్టాను. నా చొక్కా వేసుకోలేదు అయినా అప్పటికే చెమటతో తడిసిపోయాను. వేడి సూర్యుడు ఆకాశంలో పైకి ఎక్కుతూనే ఉన్నాడు. మధ్యాహ్నం అయింది, నిన్న మేము పియానోను ఆలీషాకి తిరిగి ఇచ్చాము. కామిని ఇంటి వెనుక ఆవు పాలు పితుకుతోంది. నేను ఆమె వైపు చూస్తున్నానని ఆమె చూసినప్పుడల్లా నాకు చేయి ఊపింది.
నేను గొడ్డలిని మాయం చేసి, నరికిన కలపని తీసుకొని ఇంటి దగ్గర పడేశాను.
“పాలు పిండటం ఎలా ఉంది ?”
“బాగాలేదు,” అని ఆమె ఒక గుడ్డతో చేతులు తుడుచుకుంటూ చెప్పింది. ఆమె బట్టలు, ఛాతీ మీద కొద్దిగా పాలు చిందినాయి. “నువ్వు చొక్కా లేకుండా కనిపించినప్పుడల్లా ఏకాగ్రత కష్టంగా ఉంది.”
“నువ్వు కోరుకుంటే నేను చొక్కా వేసుకుంటాను.”
“వద్దు,” అని ఆమె నవ్వుతూ చెప్పింది.
“నీ ఇష్టం,” అని అన్నాను.
ఒక సముద్రపు కాకి మా చుట్టూ తిరుగుతూ అరిచింది. నేను దానిని కళ్ళు చిన్నవి చేసి చూసినప్పుడు, దాని ముక్కు మధ్య ఒక ఉత్తరం కనిపించింది. అది దగ్గరగా వస్తున్నప్పుడు నేను నా కళ్ళకి అడ్డుగా చేయి పెట్టుకున్నాను. “అక్కడ చూడు, ఒక ఉత్తరం !” అని కామిని చెప్పింది. “నువ్వు దాన్ని పట్టుకోవాలి.”
“ఎలా ?”
“నువ్వు దానికి చేయి ఊపాలి,” అని కామిని నన్ను ప్రోత్సహించింది.
ఇంతవరకు అది నాపై మాత్రమే తిరుగుతోంది. నేను నా చేయి ఊపేసరికి, అది ఒక్కసారిగా కిందికి దిగి, నా ముందు ఆగింది. నేను ఉత్తరం కోసం చేయి చాపాను, అప్పుడు అది రెక్కలు కొట్టుకుంటూ ఎగిరిపోయింది. “ఇది ఇలాగే జరుగుతుందా ?” అని నేను కామినిని అడిగాను.
“అలాగే ఉత్తరాలు డెలివరీ అవుతాయి,” అని ఆమె చెప్పింది. “నువ్వు ఇప్పటివరకు చూడలేదా ?”
నేను తల అడ్డంగా తిప్పి, అది పర్వాలేదని అనుకున్నాను. నేను ఉత్తరం తెరిచాను. రాత చుట్టూ గులాబీ రంగు హృదయం ఆకారంలో ఉంది, పై మూలలో బుర్గుండి రంగు పెదవులు ఉన్నాయి. “ఇది అలీషా నుండి వచ్చింది.”
“దీన్ని గట్టిగా పైకి చదువు,” అని ఆమె సంతోషంగా చెప్పింది.
“హలో, రేవంత్, నేను నిన్ను నిరంతరం తలుచుకుంటున్నాను. నాకు నిద్ర పట్టడం కూడా కష్టంగా ఉంది. నువ్వు వెళ్ళినప్పటి నుండి నువ్వే నా మనస్సులో తిరుగుతున్నందున నేను ఏదో తప్పు చేస్తానేమో అని కొంచెం భయంగా ఉంది, కానీ నిన్ను మళ్ళీ చూసిన తర్వాత అది మెరుగవుతుందని అనుకుంటున్నాను. నేను నీకు మళ్ళీ ధన్యవాదాలు చెప్పాలనుకుంటున్నాను. దీన్ని నా గుండె నుండి బయటికి తీయాలని నేను అర్ధం చేసుకున్నాను, ఎందుకంటే లోపల ఉంచుకోవడం నన్ను బాధపెడుతోంది. నిన్ను చూడటానికి నేను ఆత్రుతగా ఎదురు చూస్తున్నాను. ఈ ఉత్తరం నీకు వెర్రిగా అనిపించదని ఆశిస్తున్నాను, కానీ నిజంగా నాకు నీమీద బలమైన భావాలు ఉన్నాయి. ముద్దులు మరియు ప్రేమతో, అలీషా” అని నేను చెప్పి ఉత్తరాన్ని కిందకి దించాను.
నేను కామినితో చూపులు కలిపాను. “ఆమె ఖచ్చితంగా ప్రేమలో ఉంది,” అని తను నవ్వుతూ చెప్పింది.
“అవును,” అని అన్నాను, అది ఊహించడం కష్టం కాదు. “అయినా ఆమె బాగానే నిద్ర పోయుంటుందని అనుకుంటున్నాను.”
“ఆమె నిన్ను మళ్ళీ చూడగానే, తన నిద్ర గురించి ఆలోచించదు” అని కామిని చెప్పింది.
మేము మధ్యాహ్నానికి అక్కడ ఉండాలి. మేము సమయానికి అక్కడ ఉండాలంటే ఇక బయలుదేరాలి. “మనం రెడీ అయ్యి బయలుదేరుదామా ?”
“ఊ-హుఁ,” అని కామిని ఆత్రంగా తల ఊపుతూ చెప్పింది. “ఆమెని మళ్ళీ ఎప్పుడు చూస్తానా అని ఎదురు చూస్తున్నాను.”
నేను కూడా ఎదురు చూస్తున్నాను.
***