అక్క నా కంటే తొమ్మిదేళ్ళు పెద్దది 294

తదేకంగా నావంకే కొర కొరా చూస్తూ ఉంది. ఎందువల్లో ఇవ్వాళ ఆమె మొహంలో క్రూరత్వం కనబడుతూఉంది.

అక్క నా కంటే తొమ్మిదేళ్ళు పెద్దది.

ఆమెకు ఒంటరితనం ఇష్టం. ఇటువంటి వేడుకల్లో ఏమగాడూ ఆమెను నాట్యానికి ఆహ్వానించడు.

అందగత్తెగా, సౌమ్యురాలిగా గూడెంలో నాకున్న పేరు ఆమెకు లేదు.

గూడెపు యువకులందరికీ నేనో కలల యువరాణిని. అమ్మాయిలకు ఆరాధ్య దేవతను.

నారూపానికి విరుద్దంగా భీతి గొల్పే రీతిలో ఉండే అక్క రూపమంటే గూడెంలో మగాళ్ళందరికీ భయం.

ఆమె మొహం కండ పట్టి బాగా ముదురుగా ఉంటుంది.

తొడలూ , భుజాలూ మద్ది మానుల్లా ఉంటాయి.

ముక్కోపానికి తోడు, ప్రచండమైన ఆమె ప్రవర్తన కూడా తీవ్రంగా ఉంటుంది.

ఒక్కసారి ఆమెతో పరిచయమైన వారెవ్వరైనా మరలా ఆమె దరిదాపుల్లోకి కూడా రారు.

ఆమె ప్రవర్తనా, దుస్తుల సరళీ, శరీరంలోని మోటుదనం, వేటాడే విధానం మగాళ్ళను మించి ఉంటుంది.

ఏ మగాడికీ ఆమెను చూడగానే ఏవిధమైన వాంఛా కలగదు.

గూడెపు పెద్దగా మా నాన్నకున్న వారసత్వం కొనసాగడానికి వీలుగా, తొలి చూలు మగ సంతానమే కావాలని, అమ్మానాన్నలు గూడెపు దేవతకు ఎన్నో పూజలు చేసి, మొక్కులు తీర్చి, బలులు ఇచ్చారు.