అక్క నా కంటే తొమ్మిదేళ్ళు పెద్దది 294

అక్క మొహమైతే సుకుమారం గా ఉండక పోవచ్చు కానీ చక్కని అంగ సౌష్టవంతో కూడిన ఆమె రూపు వంపులు తీరి ఉంటుంది.

ఎంతైనా తోడపుట్టిన దానిని కదా? అక్కంటే నాకు జాలితో కూడిన అభిమానం.

నాకైతే శివంగి ‘అందగత్తె’ అనే అనిపిస్తుంది.

ఓ చెల్లిగానే కాదు, ఈ గూడెం మొత్తం మీద నేనొక్కత్తినే ఆమెకు స్నేహితురాలినని చెప్పగలను.

ఎవరు పలకరించినా సర్రున ఆవేశం తెచ్చుకునే శివంగితో, ఆమెకు కోపం తెప్పించకుండా కనీసం మూణ్ణాలుగు మాటలైనా మాట్లాడగలిగిన ఏకైక వ్యక్తిని నేను మాత్రమే.

అయినా సరే, ఇప్పుడు మాత్రం ఆమె చూపులు చూస్తూఉంటే ఎందుకో భయం కలుగుతూ ఉంది.

అక్క క్రూరపు చూపులను తప్పించుకోవడం కోసం, నేను జంటలు నృత్యాలు చేస్తున్న బరి లోకి వెళ్ళాను.

అక్కడ ఇంకా జోడీలు కట్టకుండా మిగిలి ఉన్న యువకుల కోసం ప్రయత్నించాను.

నా చిన్ననాటి స్నేహితులైన బాలురు, నృత్యంలో నా సహాధ్యాయులైన అబ్బాయిల దగ్గరికి వెళ్ళాను.

కానీ ఎవ్వరూ నాతో నృత్యం చేయడానికి ముందుకు రాలేదు.

నేను ఎవ్వరి దగ్గరికి వెళ్ళినా, నన్ను చూడగానే వాళ్ళ మొహాలు విచ్చుకునేవి. వెనువెంటనే వాళ్ళచూపులు మంత్రం వేసినట్టుగా అక్క వైపు తిరిగేవి.

అంతే.. అక్క వాళ్ళను చూసి గుడ్లురమగానే జడుసుకుని మొహం నానుండి ఎటో తిప్పేసే వారు.

ఇలా నాలుగైదు సార్లు జరగగానే నాకు నిజంగానే నిసృహతో కూడిన కోపం వచ్చింది. అక్క తీరుపై నాన్నకు ఫిర్యాదు చేద్దామనిపించింది.