అతను నా పెదాలపై చిన్నగా ముద్దిచ్చి నా పైనుండి దిగి పక్కన వెల్లకిలా పడుకున్నాడు…
నేను అతని వైపుకి తిరిగి అతని కాలి మీద కాలు వేసి ఎదపై తల ఆనించి పడుకున్నాను…
ఆయాసం వల్లనేమో అతని గుండె వేగంగా కొట్టుకుంటోంది…
కాసేపటికి అతను నన్ను తన మీది నుంచి తప్పించి పైకి లేచాడు..
ఏంటి అన్నట్టు అతని వైపు చూసా .. గడియారం వైపు చూపించాడు..
4.10 చూపిస్తోంది….
అతను నా మీదకు వంగి పెదాల్ని ముద్దాడి బాత్ రూమ్ కి వెళ్ళాడు..
పది నిమిషాల్లో స్నానం ముగించి బయటకు వచ్చాడు…
నేను ఏమి మాట్లాడకుండా అలాగే పడుకొని చూస్తున్నాను..
మరో పది నిమిషాలల్లో అతను బట్టలు వేసుకొని టై కట్టుకొని షూ వేసుకొని రెడి అయి మళ్లీ నా దగ్గరకు వచ్చాడు..
ఈ సారి నుదుటిపై ముద్దు పెట్టి “మరి నే వెళ్లి రానా” అంటూ పైకి లేచాడు..
నేను అతని చెయ్యి పట్టుకొని ఆపి “మళ్లీ ఎప్పుడూ” అన్నాను…
“అన్నీ అనుకూలిస్తే రెండు మూడు రోజులలోనే… లేదంటే ఒక పది రోజుల్లో అయిపోతుంది….”
అంటూ నా చేతిని ముద్దాడి “రవి(మా వారు) జాగ్రత్త.. వస్తానూ” అని చెప్పి వెళ్లి పోయాడు..
నేను అతను వెళ్లిన వైపే చూస్తూ ఆలోచిస్తున్నాను..
“ఎంత తేడా … ఆరు నెలల క్రితం అతడు నన్ను ఎలా చూసే వాడు.. సీత వద్ద లక్ష్మణుడిలా ఉండేవాడు… ఇప్పుడు రాముడిలా నా రాజ్యమేలుతున్నాడు” అనుకుంటూ కళ్ళు మూసుకున్నాను…
మూసుకున్న కళ్ళ ముందు గతమంతా సినిమా రీళ్లలా తిరగడం మొదలు పెట్టింది…
ఆ రోజు మా అక్క పెళ్లి…
ఇల్లంతా సందడి సందడిగా ఉంది..
ఇంటి ముందు కానుగాకుతో పెద్ద పందిరి వేశారు…
గుమ్మాలకి మామిడాకు తోరణాలు కట్టారు..
పందిరి మధ్యలో పెళ్లి వేదికని రకరకాల పూలతో అలంకరించారు…
పిల్లలు ఇల్లూ వాకిలి అంతా ఒకటే తిరిగేస్తున్నారు…
ముహూర్తానికి ఇంకో గంట టైం ఉండగానే అక్కను పెళ్లికూతురిగా ముస్తాబు చేశారు..
నేనూ,అక్కా, తన ఫ్రెండ్స్ అంతా అదే గదిలో ఏదో మాట్లాడుకుంటుంటే అమ్మ వచ్చింది…
అక్క వైపు మురిపెంగా చూసి నా వైపు తిరిగి “ఏంటే నువ్వింకా అలాగే ఉన్నావ్.. వెళ్ళు కొత్త బట్టలు కట్టుకో పో” అంది…
నేను నా గదికి వచ్చి ఫ్రెష్ అప్ అయి పెళ్లి కోసం ప్రత్యేకంగా కుట్టించుకున్న డ్రెస్ తీసుకున్నా..
బంగారు వర్ణం పెద్ద అంచు గల లేత ఆకుపచ్చ పరికిణీ కట్టుకున్నాను.. దాని మీద నీలం రంగు సీతాకోకచిలుక బొమ్మలు అక్కడక్కడా అందంగా ఉన్నాయి…
బంగారు వర్ణం లోనే ఉన్న బ్లౌజ్ తొడుక్కుని..
పింక్ కలర్ ఓని వేసుకున్నాను…
అప్పటి వరకు పెట్టి ఉంచిన క్లిప్ ని తీసేసి జుట్టుని ఫ్రీగా వదిలేసాను…
అమ్మ చాలా నగలు ఇచ్చింది వేసుకొమ్మని.. కానీ
డైమండ్ ఆకారపు లాకెట్ ఉన్న ఒక సన్న చైన్ మాత్రం వేసుకొని మీడియం సైజ్ రింగ్స్ చెవులకి పెట్టుకున్నా..
చిన్న బొట్టు పెట్టుకొని అద్దం ముందు నిలబడి నన్ను నేను ఒకసారి చూసుకున్నా..
సూపర్ గా ఉన్నావే.. ఉమ్మా.. అని అద్ధంలోని నా ప్రతిబింబానికి ఒక ముద్దు విసిరి మరొక సారి డ్రెస్ సరిచేసుకొని బయటకు వచ్చా..
ఎక్కువ సేపే అయినట్టుంది నా ముస్తాబుకి.. అప్పటికే అక్కను మండపంలోకి తీసుకొచ్చారు…
పెళ్లి పీటలపై అక్కా బావలని కూర్చుబెట్టి ఏవో మంత్రాలు చదువుతున్నాడు పంతులుగారు..
నేను వెళ్లి మండపం పక్కన అక్క ఫ్రెండ్స్ ఉన్న చోటకు వెళ్లి నిల్చున్న…
“సూపర్ గా ఉన్నావ్ అక్షర…మీ అక్క పెళ్లికి నువ్వే సెంటర్ ఆఫ్ అట్రాక్షన్” అంది అక్క ఫ్రెండ్ మాధవి..
“అంతలేదులే అక్క … మీ కన్నానా” అన్నా..
“నిజంగా చాలా బాగున్నావే.. ఇందాక నువ్ వస్తుంటే చాలా మంది నిన్నే చూస్తున్నారు తెలుసా” అంది..
“లేట్ గా వచ్చా కాబట్టి చూసుంటారులే అక్కా ” అన్నా..
“నీ మొహం.. నీ గురించి నీకు తెలియదే ” అంది మాధవక్క..
ఇంతలో ఒక ఎనిమిదేళ్ల కుర్రాడు వచ్చి “అక్కా.. ఒక అన్న ఇది నీకిమ్మన్నాడు” అంటూ ఒక చీటీ నా చేతిలో పెట్టాడు..
వాడి మరో చేతిలో పొడుగాటి డైరీ మిల్క్ ఉంది..
నా చేతిలో ఉన్న చీటీ మాధవక్క లాక్కుని చదివి..” నేను చెప్తే కాదన్నావ్ కదా.. చూడు సాక్ష్యం” అంటూ చీటీ అందించింది..
నేను చీటీ తీసుకుని చూసా..
” బాపూ బొమ్మల్ని ఎప్పుడూ బొమ్మల్లో చూసేవాన్ని..
మొదటి సారి లైవ్ గా చూస్తున్నా….
… రవి”
అని రాసి ఉంది…
“ఒరేయ్ ఎవర్రా నీకిది ఇచ్చింది” అని అడిగాను కాస్త కోపంగా…
“అదిగో ఆ బ్లూ షర్ట్ అన్న” అంటూ చూపించాడు..
వాడు చూపించిన వైపు తిరిగి చూసా…
బొటన వేలితో చూపుడు వేలును పట్టుకొని మిగతా మూడు వేళ్ళు పైకి చాచి “సూపర్బ్” అన్నట్టు సైగ చేస్తూ బ్లూ షర్ట్ లో ఉన్న ఒకతను నా వైపే చూస్తూన్నాడు…
నేనెప్పుడు అటు చూస్తానా అని ఎదురు చూస్తున్నట్టున్నాడు.. నేను చూడగానే చిన్నగా నవ్వాడు..
నేను గిరుక్కున నా తల తిప్పేసుకున్నాను..
నాకెందుకో అనీజీగా అనిపించింది..
చీటీలో ఉన్నది పొగడ్తే కానీ
ముక్కు మొహం తెలియని అతను అంత డైరెక్ట్ గా చెప్పాడనో.. లేక మాధవక్క చూసిందనో తెలియదు గానీ మనసుకు నచ్చని ఒక రకమైన ఫీలింగ్ కలిగింది…
“గట్టిమేళం” అని వినబడడంతో మాధవక్క పెళ్లి వైపు దృష్టి మరల్చింది..
అక్క వాళ్ళతో జీలకర్ర బెల్లం పెట్టిస్తున్నాడు పంతులుగారు…