అక్క మాటలతో లీలావతీదేవి మనసు కరిగి నీరైంది.
“అక్కా .. ఏమిటి అలా మాట్లాడుతున్నావు. నీమీద కోపంఉన్న విషయం మాత్రం వాస్తవం,. కానీ నువ్వు నా అక్కవు. నువ్వు చేసిన అంత పెద్ద నేరం దాచిన దానిని, నీ మీద నాకు అభిమానం లేదని ఎలా అనుకున్నావే. ”
“అయితే నన్ను రమ్మంటావా? ” ఉత్సాహంగా అడిగింది చంద్రావతీదేవి.
“వద్దని అనగలననే అనుకుంటున్నావా? .” లీలావతీ దేవి గొంతు పూడుకుపోయింది.
“చూడు చెల్లీ. ఏదేమైనా , నువ్వు నిర్భయంగా చెప్పు. నేను వచ్చి నీతో ఉండొచ్చునని నువ్వొప్పుకుంటే ఇప్పుడే బయల్దేరతాను. నువ్వు”ఊ” అనడమే ఆలస్యం.”
“అంత నిష్టూరంగా మాట్లడకక్కా… “లీలావతీ దేవి గొంతు ఏడుపులోనికి దిగిపోయింది.
చంద్రావతికి చెల్లి మనసు పూర్తిగాఅర్థమైంది..
“ఇప్పుడే బయల్దేరుతున్నాను. ఈరోజు సాయంత్రానికల్లా ఫ్లైట్ లో నీ ముందువాలిపోతాను..”
“నిజంగానేనా అక్కా??” చెల్లి గొంతులో దాచుకోలేని ఆనందం..
“నిజంగా నిజం. అక్క స్థిరంగా చెప్పింది. నా వల్ల నీకింకేమీ సమస్యలు రావని హామీ ఇస్తున్నానే.”
“దట్స్ గ్రేట్ అక్కా. ” కన్నీళ్ళు తుడుచుకుంటూ చెప్పింది లీలావతీ దేవి.
“ఎయిర్ పోర్ట్ కి రావద్దు. ఎదిగిన ఆడ పిల్లలు బయట తిరగొద్దన్న మన జమిందారీ పద్దతులు నువ్వు ఫాలో అవుతున్న విషయం నేనూహించగలను. జస్ట్ రిలాక్స్.. కా. ఇంకో రెండు గంటల్లో ఫ్లైట్ ఉంది. సాయంత్రానికల్లా వచ్చేస్తా. రేపటి వరకూ ఆగలేను. ఓకే?”
“ఓకే. థాంక్స్ అక్కా. నా పరిస్థితీ అదే. నిన్ను చూడాలని నాకు చాలా ఉంది.”
లీలావతీ దేవి, ఫోన్ రిసీవర్ ని గోల్డ్ ప్లేటెడ్ క్రేడిల్ లో పెట్టి, ముఖమల్ సోఫాలో వెనక్కి వాలుతూ సాలోచనగా ఆలోచిస్తూ వాల్ క్లాక్ లోని టైము చూసింది.
తామిద్దరూ ఒకరినొకరు చూసుకుంది దేముడెరుగు.అసలు ఒకరినొకరితో మాట్లాడుకుంది కూడా దాదాపు పదేళ్ళ తరవాత ఇదే.
***
ఇల్లు వదలక ముందు అక్క చేసిన పనులన్నీ ఒకటొకటే గుర్తుకురాసాగాయి.
పుట్టినూళ్ళో తమ కుటుంబం అవమానాల పాలు కావడానికి అక్కే కారణం.
తల్లి రాణీ వైశాలీ దేవి అకాల మరణానికి అక్కే కారణం.
తాము పుట్టిన ఊరు తాము శాశ్వతంగా వదిలి ఈ పట్టణానికి వచ్చేయడానికి అక్కే కారణం.
తన తప్పేం లేకున్నా తను జీవితం లో తాను ఇంకా స్థిరపడక పోవడానికి అక్కే కారణం.
తనకు పెళ్ళీడు దాటిపోతున్నా పెళ్ళి కాక పోవడానికి అక్కే కారణం.
తన జీవితం చుక్కాని లేని నావగా మారడానికి అక్కే కరణం.
ఆఖరికి తన తండ్రి చావుకి కూడా అక్కే కారణం.
అక్కంటే తనకు ద్వేషం… అక్కంటే అసహ్యం…
ఆక్క పేరు తలపుల్లోకి రావడానికి కూడా లీలావతీ దేవి మనస్సు అంగీకరించేది కాదు.
లీలావతీ దేవి అందం అడవి కాచిన వెన్నెల కావడానికి పరోక్ష కారణం తన అక్క చంద్రావతీదేవి.
అక్క ఇల్లొదిలిపోవదానికి కారణమైన ఆ సంఘటన లీలావతీ దేవికి గుర్తొచ్చింది.
తమది ఒక జమీందారీ కుటుంబం. జమీలు పోయినా ఆస్తులు బాగానే మిగిలాయి. మగ పిల్లలు లేరు.
ఇద్దరు కూతుళ్ళలో లీలావతీదేవి చిన్నది. అక్క చంద్రావతీ దేవి టెన్త్ లోనే ఇల్లొదిలి సినిమా వేషాలంటూ కనిపించకుండా పోయింది. కూతురు చేసిన పరువు తక్కువ పనికి తట్టుకోలేక తల్లిమంచంపట్టి చనిపోయింది. ఎంతో గౌరవమైన బతుకు బతికిన ఊళ్ళో ఇక తలెత్తుకోలేక తండ్రీ కూతుళ్ళు దగ్గరలోనున్న సిటీకి షిఫ్ట్ అయ్యారు. తండ్రి పొలాలన్నీ అమ్మేసి సిటీలో నాలుగైదు పెద్ద స్థలాలు తీసుకుని అపార్ట్ మెంటులూ, కమర్షియల్ కాంప్లెక్స్లూ నిర్మించి అద్దెకిచ్చాడు. సిటీ అభివృద్ది చెందడంవల్ల, వాటికి డిమాండ్ విపరీతంగా పెరిగి నెలవారీ అద్దెలు లక్షల్లో రాసాగాయి. కోట్లకొద్దీ ఫిక్స్డ్ డిపాజిట్లున్నాయి. ఆదాయం వడ్డీ లక్షల్లో వస్తుంది. మొత్తంమీద రాబడికి లోటు లేదు.
ఊరి చివరలో ఐదెకరాల స్థలం కొని అందులో ఒక అరెకరం స్థలంలో ఫాం హౌస్ ఒకటి నిర్మించి తండ్రీ కూతుళ్ళు నివాసం ఉండసాగారు.
తండ్రి ఆస్తి మొత్తం లీలావతీ దేవి పేరున విల్లు వ్రాసాడు. ఒకవేళ ఆమె పెళ్ళి చేసుకుంటే ఆమె జీవిత భాగస్వామి నుండి ఆమె ప్రాణాలకు ప్రమాదం లేకుండా, ఆమె కు వంద సంవత్సరాల వయసు వచ్చేవరకూ జీవిత భాగస్వామికి ఆమె ఆస్థిమీద ఎటువంటి హక్కులూ ఉండవు. ఒక వేళ ఈలోగా ఆమె మరణిస్తే ఆస్తి మొత్తం ప్రధాని సహాయనిధికి వెళుతుంది. ఆమె జీవిత భాగస్వామికి మాత్రం లీలావతీదేవి బతికి ఉన్నంతవరకూ ఆస్తిని అనుభవించే హక్కు ఉంటుంది కానీ అమ్ముకునే హక్కు ఉండదు. విల్లు నమ్మకస్తులైన ఫామిలీ లాయర్ల వద్ద జాగ్రత్త చేసాడు.
ఇల్లొదిలిపోయిన అక్కకారణంగా చెల్లెలికి సరైన సంబంధాలు రావడంలేదన్న మానసిక బాధతో కుమిలిపోతూ తండ్రి కూడా రెణ్ణెళ్ళ క్రితమే పోయాడు. లీలావతీ దేవి ఒంటరిదైపోయింది. తండ్రి ఇచ్చిన ఆస్థిపాస్తులూ,నెలవారీ ఆదాయం, బ్యాంకు బేలెన్సూ చాలినంత ఉండడంతో ఆమెకు రోజువారీ జీవితం బాగానే గడుస్తోంది. కేజీల కొద్దీ నగలు బ్యాంకు లాకర్లలో మూలుగుతున్నాయి. దేనికీ లోటు లేదు, తోడు తప్ప.
తండ్రి బతికి ఉన్నంత కాలం వారికి దూరంగా ఉన్న బంధువర్గం , తండ్రి పోగానే కర్మకాండల నెపంతో హఠాత్తుగా ఊడిపడి, ఒక నెలపాటు ఇంట్లో తిష్ట వేసారు.
కార్యక్రమాలు ముగిసాక, వారిని వదిలించుకునేసరికి లీలావతీ దేవికి తల ప్రాణం తోక కొచ్చినట్లయ్యింది.
ఈనెలలోనూ, లీలావతీ దేవి వెనుక ఉన్న ఆస్థిపాస్తులపై కన్ను పడ్డ దాయాదులు, వాటిని చేజిక్కించుకునేందుకు పావులు కదిపారు. రక రకాల పెళ్ళి సంబంధాలు తీసుకు వచ్చారు. కానీ, బంధువుల పన్నాగం అర్థమైన లీలావతీ దేవి వాటిని తిరస్కరించడమేకాక , వారినందరినీ దూరం పెట్టింది. హతాశులైన బంధువులు, ఇక ఇలా కాదని, ఆమె పై లేనిపోని అభాండాలు , వదంతులు సృష్ఠించి, ఆమెకు ఇక సంబంధాలు రానివ్వకుండా చేసారు.
అన్నిటినీ తట్టుకున్న లీలావతీ దేవి సమర్ధంగా నిభాయించుకొచ్చింది. వేటికీ చలించక ఒంటరి జీవితం అలవాటు చేసుకుంది. అన్ని సమస్యలనుండీ చాకచక్యంగా తప్పించుకుని ఇప్పుడిప్పుడే మనసు కుదుట పరచుకుంటున్న లీలావతీ దేవికి ఇప్పుడీ అనుకోని కొత్త సమస్య అక్క రూపంలో వచ్చి పడింది.
చిన్నప్పుడు నాన్నకి భయపడి కాస్త తగ్గి ఉన్నా, అక్క నిజానికి చాలాఫాస్టు. టీనేజీ నుండీ ఆమెలో సెక్సు కోరికలు ఎక్కువ. ఆమె మీద చాలా రూమర్లు ఉండేవి. రూమర్లేం ఖర్మ, తనే ఒక సారి కళ్ళారా చూసింది. లీలావతీ దేవి మనసు తన చిన్నతనానికి మరోసారి వెళ్ళింది.
***
లీలావతీ దేవి హై స్కూలు లో ఉండగా ఒకరోజు సాయంత్రం వాకింగ్ చేస్తూ గ్రామంలోని తను ఇంటి వెనకాల ఒక అర ఫర్లాంగ్ దూరంలో ఉన్న తమ తోటలోకి షికారుకి వెళ్ళింది. సాధారణంగా అక్క,తనూ సాయంత్రాలు అక్కడే గడుపుతుంటారు.
తోట వెనకాల , మొన్ననే ఊడ్చిన వరి చేలు ఉన్నాయి. తోటకు, వరిపొలానికీ మధ్య కొత్తగా వేసిన గడ్డిమేటు , ప్రక్కనధాన్యం కొట్టం ఉన్నాయి. అప్పుడే చీకటి పడుతోంది
వాతావరణం చల్లగా, ఆహ్లాదంగా ఉంది. నూర్పిళ్ళు కూడా పూర్తి కావడంవల్ల , పనులేమీ లేకపోవడంతో పాలేర్లెవరూలేరు. అంతా నిర్మానుష్యంగా ఉంది. అలవాటైన ప్రదేశం కావడంతో లీలావతీ దేవికి భయం వెయ్యలేదు. ఈలోగా తనకు చిరపరిచితమైన అక్క మువ్వల శబ్ధం లయబద్దంగా వినబడింది. వింటుంటే అదేదో ఆదరాబాదరాగా పరిగెడుతున్నట్లు గా అనిపించింది. కానీ జాగ్రత్తగా వింటే మువ్వల సవ్వడి ఒకే ప్రదేశం నుండి రావడం మాత్రం స్పష్టంగా తెలుస్తూ ఉంది.
చప్పుడు చేయకుండా లీలావతీ దేవి ఆ మువ్వల శబ్ధం వస్తున్న వైపు వెళ్ళింది. లీలావతీ దేవికి గడ్డిమేటు ప్రక్కగా అక్క ఓణీ అంచు కనబడింది. మేటు అవతల ఎవరిదో మూలుగు, ఆ వెనుక ఆయాసం తో కూడిన గుసగుసలు వినబడ్డాయి.
లీలావతీ దేవి మనసు కీడు శంకించింది. వెనక్కి పారిపోదామా అని అలోచించిన లీలావతీ దేవి, అక్కడ తను చూసినది అక్క ఓణీ అని గుర్తుకొచ్చి, కొంపతీసి ఆమెపై ఎవరైనా అఘాయిత్యం చేస్తున్నారా అనిపించి ఆగిపోయింది.
Katha chaala baagundi please migatha bhaagam post cheyyandi