నైట్ షిఫ్ట్ 24 134

కాసేపటికి నాన్న కూడా ఒప్పుకున్నారు. సరే సార్, ఇంతలా చెబుతున్నారు, పైగా అమ్మాయి నా భార్య కూడా చెబుతున్నారు. ఒకసారి అల్లుడికి కూడా ఓ మాట చెబితే బాగుంటుంది అనిపిస్తుంది అన్నాడు.
నాన్న అలా అనేసరికి నిజమే అండి అని అంది అమ్మ. ఎందుకంటే మాకు ఇప్పుడు అల్లుడు గారే కొడుకులా దిక్కు కదా. మేము ఏది చేసిన ఇప్పుడు కూతురు అల్లుడు కోసమే కదా అంది.

నేను కూడా సరే అమ్మ, ముందు తోట డీల్ ఫైనల్ అయ్యాక చెబుదాం అన్నాను.
ఇక తోట లెక్కలు వేయడం మొదలుపెట్టాం. నాన్న చెప్పినట్టుగానే, ఎకరానికి 30 లక్షల చొప్పున 5-ఎకరాలకు కోటి-యాభై లక్షలు. ఇంకా రెండు గుంటలు ఎక్కువే ఉంది భూమి. దాన్ని కూడా కలుపుకుని కోటి-యాభై లక్షలు ఇస్తామని చెబుదాం అన్నాడు క్రిష్.

ఇకపోతే వాటాల పరంగా క్రిష్ కి 75లక్షలు మాకు 75లక్షలు ఇవ్వాల్సి వస్తుంది. ఇంకా రిజిస్ట్రేషన్, తర్వాత తోటలో మార్పు చేర్పులు చేయడానికి ఎంత కాదన్న ఇంకో 50లక్షల వరకు అవుతుంది. ఇప్పుడైతే చెరో వైపు 75లక్షలు సర్దాలి అన్నాడు క్రిష్.

నేను అమ్మ-నాన్న పక్కన వెళ్లి లెక్కలేసుకోవడం మొదలుపెట్టాం.

క్రిష్ చెప్పినట్టు మన రెండు ఎకరాల పొలానికి 60 లక్షలు ఇస్తారు. ఇంకా క్రిష్ కి తెలియంది ఏంటంటే ఎకరానికి 25 లక్షలు అని మాట్లాడిన విషయం. ఐదు ఎకరాల్లో సగం-సగం కాబట్టి, క్రిష్ దగ్గర 30 లక్షలకి ఒక ఎకరం డబ్బులు తీసుకుంటే 2.5 ఎకరాలకు 12.5 లక్షలు మనకు లాభం వచ్చినట్టే. మనం 62.5 లక్షలు ఇస్తే సరిపోతుంది. జమిందారుకి మొత్తం ఒక కోటి 25 లక్షలు ఇవ్వాలి. రిజిస్ట్రేషన్ కి, తోట బాగు చేయడానికి ఇంకా 25 లక్షలు అవుతాయి నాన్న. అవి మనం తర్వాత అడ్జస్ట్ చేసుకుందాం. క్రిష్ దగ్గరి నుండి వచ్చిన 12.5 లక్షల నుండి 2.5 లక్షలు కలుపుకుని పొలం అమ్మిన 60లక్షలు జమిందారుకి ఇచ్చేద్దాం. మన దగ్గర ఇంకా 10 లక్షలు లాభం. అవి తోట పనికి ఉంచుదాం. ఎలా ఉంది ప్లాన్ అని అడిగాను నాన్నకి. బాగుంది బుజ్జమ్మ. నీవెలా అంటే అలా చేద్దాం అన్నారు. ముగ్గురం కలిసి చివరికి క్రిష్ దగ్గరికి వెళ్ళాము.

అందరం కలిసి జమీందారు దగ్గరికి వెళ్లి మాకు ఈ తోట నచ్చింది. ఇదిగోండి 5 లక్షలు అంటూ క్రిష్ అడ్వాన్స్ ఇచ్చాడు. మిగిలిన డబ్బులు శంకర్ తో పంపిస్తాను. రేపు సాయంత్రం లోపు అన్నాడు. ఎల్లుండి రిజిస్ట్రేషన్ చేసుకుందామని చెప్పాడు. జమీందారు కూడా ఒప్పుకోవడంతో అక్కడి నుండి బయలుదేరాము.

క్రిష్ మా ఇంటి వరకు డ్రాప్ చేసాడు. దారిలో మొత్తం తోటకు సంబందించిన మాటలే జరిగాయి. చివరికి క్రిష్ నా ఫ్లాట్ కు సంబందించిన పేపర్స్ మీద సైన్ తీసుకుని వెళ్ళిపోయాడు. క్రిష్ వెళ్ళగానే ఆయనకు కాల్ చేసి ఇలా తోట కొనడానికి వచ్చారు. మమ్మల్ని ఇలా పార్టనర్స్ అవ్వమని చెప్పారు. అంతే కాదు ఇలా ఆఫర్ కూడా ఇచ్చాడు ఓనర్ అంకుల్ అని ఆయనకు చెప్పాను. ఆయన కూడా మంచిదే కదా, బాగానే ఉంటుంది అన్నారు. మొత్తానికి అనుకున్నట్టు అటు ఆయన్ని ఇటు అమ్మ-నాన్నలను ఒప్పించడం జరిగింది. తర్వాత క్రిష్ కి కాల్ చేశాను.

ఎక్కడున్నావు డియర్ అని. దారిలో ఉన్నాను బేబీ అన్నాడు. ఇంతకీ నెక్స్ట్ ఏంటి అని అడిగాను. ఏముంది బేబీ అనుకున్నట్టే మీ పొలం కూడా రేపు రిజిస్ట్రేషన్ చేసుకుంటాను నా పేరు మీద అన్నాడు. ఎల్లుండి తోట కూడా సగం మీ పేరు నా, సగం మా పేరు నా అన్నాడు. కానీ నాకు అప్పుడే అనిపించింది. డబ్బు విషయంలో అన్నదమ్ముల్లే విడిపోతారు. క్రిష్ మాట మారడంలో ఆశ్చర్యపోవాల్సిన అవసరం కూడా లేదు. అందుకే నేను మా పొలాన్ని నా పేరు మీద చేసుకుందామని ఆలోచించాను. క్రిష్ కి అదే చెప్పాను. బేబీ నా దగ్గర ఉన్న డబ్బులు నీకు ఇచ్చేస్తాను. ఆ పొలం నా పేరు నా అయ్యేలా పేపర్స్ రెడీ చేయమని చెప్పాను. నేను అలా అనేసరికి సరే రమ్య నీవెలా అంటే అలా అన్నాడు. సరే డియర్ జాగ్రత్తగా వెళ్ళమని చెప్పి కాల్ పెట్టేసాను.