సర్పంచ్ అటు వెళ్ళగానే, శ్వేత వెంటనే తనతో పాటు షాపింగ్ మాల్ లో పనిచేసే ఆమె లవర్ సతీష్ కి కాల్ చేసింది. “హే సతీష్…., మన ప్లాన్ సక్సెస్…. ఐ అం సో హ్యాపీ… హే….”, అంటూ హడావుడి చేసింది. “వావ్ శ్వేత…. నిజంగానా?”, అని కుతుహులంతో అడిగాడు సతీష్.
“నిజం సతీష్. నీ మీద ఒట్టు. డాడీ నెంబర్ దొరికింది. అనుకున్నట్టే మా ఉరి సర్పంచ్ తో ఫోన్ చేయించి మరి కంఫర్మ్ చేయించా మా డాడీ కి. బాగా డబ్బులున్న పార్టీ తెలుసా మా నాన్న. రేపే నన్నుకలవడానికి వస్తున్నాడు. నేను ఎలాగైనా మా నాన్న ని బతిమాలి ఒప్పించి రేపే మీ ఇంటికి తీసుకొస్తా…, నేను అనాధననేగా మీ ఇంట్లో వాళ్ళు మన పెళ్ళికి ఒప్పుకోలేదు. ఇప్పుడు ఇంకా ఆ ప్రాబ్లెమ్ లేదు సతీష్. మన ఇద్దరిని ఎవరు వేరు చెయ్యలేరు”, అని చెప్పింది శ్వేత.
“చాల సంతోషంగా ఉంది శ్వేతా నీ మాటలు వింటుంటే. కానీ అప్పుడే తొందర పడకు. నేను షాపింగ్ మాల్ లో నే ఉన్న. నువ్వు త్వరగా వచ్చేయి. మన షిఫ్ట్ అయిపోయాక తీరికగా మాట్లాడుకుందాం. అస్సలే ఈ రోజు ఆదివారం. షాపింగ్ మాల్ బాగా రద్దీగా ఉంది. ఎంత త్వరగా అయితే అంత మంచిది. సరేనా”, అంటూ ఫోన్ పెట్టేసాడు సతీష్. వెంటనే రెడీ అయ్యి తానూ రోజు పనిచేసే షాపింగ్ మాల్ కి వెళ్ళిపోయింది శ్వేత.
శ్వేత షాపింగ్ మాల్ లో సాయంత్రం వరకూ పని చేసింది, కానీ బాగా బిజీ ఉండటంతో సతీష్ని ఒక్కసారి కూడా కలవలేకపోయింది. ఇక షాప్ మూసేసాక ఇంటికి వెళ్లేప్పుడు బయట కలుసుకున్నారు ఇద్దరు ప్రేమికులు. “ఏంటి సతీష్, ఒక్కసారి కుడా కనపడలేదు నువ్వు, నన్ను చూడకుండా ఎలా ఉన్నావు అంత సేపు”, అని సతీష్ని అడిగింది శ్వేత. అప్పుడు సతీష్ ప్రేమగా, “నిన్ను చూడకుండా నేను అస్సలు ఉండలేను తెలుసా, అందుకే ఎంత పని ఉన్నా, మధ్యలో నాలుగు సార్లు వచ్చి చూసాను నిన్ను, కానీ నువ్వే బిజీ గా ఉన్నావు. అందుకే నిన్ను దిస్తుర్బ్ చేయకుండా, నిన్ను చూసి మాత్రం వెళ్ళిపోయా”, అని అన్నాడు. ” నేనంటే ఎంత ప్రేమ సతీష్ నీకు”, అంటూ సతీష్ ని గెట్టిగా హద్దుకుంది శ్వేత. ప్రియురాలి కౌగిలి వెచ్చగా ఉన్నా కుడా, “హయ్యో శ్వేత, ఎవరైనా చూస్తే బాగోదు. అస్సలే మన ప్రేమని మా ఇంట్లో ఒప్పుకోవట్లేదు, పైగా నా బంధువులు చాల మంది ఇక్కడ తిరుగుతుంటారు. కాబట్టి మనం బయటవాళ్ళ ముందు స్నేహితుల్లాగానే మెలిగితే బెటర్”, అని అన్నాడు.
“ఆడది కనపడితేనే మీద పడిపోయే మగాళ్ళుండే ఈ కాలంలో, అమ్మాయి వచ్చి వొళ్ళో వాలిన తాకకుండా, పెళ్లి వరకు ఆగమని అడిగే నీలాంటి అబ్బాయిలు ఉన్నారంటే నమ్మలేము. అందుకే నువ్వంటే నాకు ఇష్టం. ఇక మన పెళ్లి సంగతి అంటావా? చెప్పాకదా, రేపు మా నాన్న వస్తున్నాడు…..”, అని శ్వేత ముగించేలోపే, “ఆగు శ్వేత”, అని అన్నాడు సతీష్. “నువ్వంటే కుడా నాకు చచ్చేంత ఇష్టం. నీకోసం ఏమైనా చేస్తా. కానీ మా అమ్మానాన్నల సంగతి తెలిసిందే గా, ఒక్క అనాధ అయినా అమ్మాయికి ఉన్నట్టుండి కొత్తగా పొరుగూరి నుండి ఒక్క తండ్రి వచ్చాడు అంటే నమ్ముతారు అనుకుంటున్నావా? వెధవ నాటకాలు వేషాలు వెయ్యకండి అని నన్ను కొట్టి వెంటనే బలవంతంగా నా మరదలుకిచ్చి పెళ్ళిచేసేస్తారు. అయినా మీ డాడీ ని నువ్వే చూడలేదు. రేపు ఫస్ట్ టైం చూస్తున్నావు. ఒకే రోజు మీ ఇద్దరు మాట్లాడేసుకుని, ఒప్పందాలు చేసేసుకుని నువ్వడిగినవాన్నీ మీ నాన్న చేసేస్తాడా? అస్సలు ఎందుకు వస్తున్నాడు? నిన్ను చుసిల్దమాన ? లేక నిన్ను తీసుకెల్దమాన?”, అని అడిగాడు సతీష్.
శ్వేత అమాయకంగా చూస్తూ, “మా డాడీ నన్ను చూసి, ఖర్చులకు డబ్బు ఇవ్వడానికి వస్తున్నాడు సతీష్”, అని చెప్పింది. “సరిపోయింది. రేపు మీ నాన్న డబ్బు ఇవ్వడానికి వస్తాడు. నిన్ను చూస్తాడు, మహా అంటే నువ్వు అడిగితే మాఇంటికొచ్చి మా తల్లి తండ్రులతో మైలాడతాడు. సరే. మరి మనకి పెళ్లి చేస్తాడా? కట్నం పెడతాడా? మీ నాన్నకు బాగానే డబ్బుంది అన్నావుకదా…, మరి మా వాళ్ళు ఆ మాత్రం అడగరనుకున్నావా? ఇవ్వన్నీ ఆలోచించకుండా ఊరికే సంబరపడిపోతే ఎలా? మనమేమి చిన్నపిల్లలం కాదుకదా, నీకు 18, నాకు 21, వెనక ముందు ఆలోచించుకోవాలి రా…”, అంటూ దీనంగా శ్వేతకు అర్ధమయ్యేలాగా చెప్పాడు సతీష్.
“అవును సతీష్, నువ్వు చెప్పింది నిజమే. నాన్న దొరికాడు అనే ఆనందంలో నేనే అన్ని ఊహించేసుకున్నాను. నాకేమో నీ అంత తెలివి లేదు. ఎలాగూ ఏది ఏమైనా నేను నిన్నే ప్రేమించాను నిన్నే పెళ్లిచేసుకుంటా, కాబట్టి ఎం చెయ్యాలో నువ్వే చెప్పవా ప్లీజ్…”, అని సతీష్ని బతిమాలింది శ్వేత. ” నీకు తెలివి లేదేమో కానీ, అంతకు మించి అందం ఉంది, ఈ రోజు నువ్వు ఎంతందంగా ఉన్నవో. రా ఒక్క సెల్ఫీ దిగుదాం. ఈ ఫోటో చూసి రాత్రి హాయిగా పడుకుంటా”, అని శ్వేతతో ఒక్క సెల్ఫీ దిగాడు సతీష్. చిన్నగా నవ్విన శ్వేత, “గాడంగా ప్రేమించే అందమైన అమ్మాయి పక్కకి ఉంటె, ఎవరైనా ముద్దు అడుగుతారు లేదా ఇంకా ఏమైనా చేసుకుంటారు. కానీ సెల్ఫీ అడిగే మగాన్ని నిన్నే చూస్తున్నా సతీష్. యు అర్ ఏ జెంట్లేమన్”, అని అన్నది శ్వేత.
“హయ్యో శ్వేత, నాకు కుడా నీతో ఏదేదో చేసేయాలని ఉంది రా, కానీ పద్దతి ప్రకారం ఒక్క ఆడ మగా పెళ్లి అయ్యాకే కలుసుకోవాలని మన సంప్రదాయం. మన కోరికలు తీర్చుకోడానికి పేదవాళ్ళు పెట్టిన ఆచారాలను మర్చిపోకూడదు కదా?”, అని అన్నాడు సతీష్. “బాబు మల్లి మొదలెట్టావా నీ ఆచారాలు సంప్రదాయాలు. అది పక్కకి పెట్టి, ఇప్పుడు నెక్స్ట్ ఎం చెయ్యాలో చెప్పు. ఎలాగూ మా డాడీ ని వెతికే ఐడియా నువ్వే ఇచ్చావు. ఇప్పుడు మీ ఇంట్లో మన పెళ్ళికి ఒప్పుకోవడానికి మా డాడీ ఎం చెయ్యాలి, నేను ఎం చెయ్యాలి? మేము ఇద్దరమూ కలిసి ఏంచెయ్యాలి. నాకైతే ఏమి అర్ధం అవ్వట్లేదు.”, అని చెప్పింది శ్వేత. “ఏమిలేదు రా, ముందు నువ్వు మీ డాడీ కి దెగ్గరవ్వు. అస్సలు అయన నిన్ను ఇంటికి ఎందుకు తీసుకెళ్లట్లేదో అడుగి, కనుక్కో. ఎలాగైనా ఇంటికి తీసుకెళ్లామని బతిమాలు. డాడీ కాబట్టి కరిగిపోతాడు అనుకుంటున్నా. అలా నువ్వు ఆ ఇంటి ఆడపడుచు అని అనిపించుకున్నాక, అప్పుడు మా ఇంటిల్లిపాది మీ డాడీ ఇంటికొచ్చి అదేలే నీ ఇంటికొచ్చి దర్జాగా సంభంధం మాట్లాడుకోవచ్చు. అప్పుడు గాని మా ఇంట్లో వాళ్ళు మన పెళ్లికి ఒప్పుకోరు. కట్నం కుడా బాగానే అడుగుతారు. కానీ మీ డాడీ బాగా డబ్బునోడు కాబట్టి పర్వాలేదు. ఎలాగూ ఆ డబ్బు మన ఇద్దరికేగా, ఎంచక్కా మనమే ఒక్క కొత్త బట్టల షాపు పెట్టె అంత భారీగానే లాగుదాము లే మీ డాడీ దెగ్గర నుండి కట్నం”, అని అన్నాడు సతీష్.