క్యాషియర్: ఆ అమ్మాయి కాదు. ఊరుకో. ఇందాక రైటరు ఈ సీన్ చెబుతూ అద్దెకు సెక్యూరిటీ అధికారి డ్రస్ కావాలి డబ్బులు ఇచ్చి పంపించమని చెప్పాడు. దాని కోసం వెళుతుంటే నువ్వు వచ్చావు. నువ్వు ఎలా చేస్తావా అని చూశాను. నువ్వు అలా అరిచేసరికి ఆ అమ్మాయి భయంతో వణుకుతోంది.
సెక్యూరిటీ ఆఫీసర్: నిజంకాదా! సినిమాలో సీనా. నా యాక్టింగు ఎలా ఉందన్నా? నేను బాగా చేశానా?
క్యాషియర్: సూపర్.
సెక్యూరిటీ ఆఫీసర్: అన్నా, ఒక్కసారి నా మొహం సినిమాలో చూసుకోవాలని చాలా కోరిక. అందుకే చుట్టు పక్కల ఎక్కడ షూటింగు జరిగినా ఆడిగి మరీ డ్యూటీ వేయించుకుంటాను. నువ్వు ఒక్క మాట చెబితే….
క్యాషియర్: చెప్పి చూస్తాను… అక్కడ ఎవడో గోల చేస్తున్నాడు చూడు.
సెక్యూరిటీ ఆఫీసర్: రేయ్ ఎవర్రా అక్కడ గోల చేసేది…. అని వెళ్ళిపోతున్నాడు.
క్యాషియర్: డబ్బులు…
సెక్యూరిటీ ఆఫీసర్: అన్నా, డబ్బులది ఏముంది. సినిమా చాన్సు కావాలి…. నేను మళ్ళీ కలుస్తాను. రేయ్ …. వస్తున్నాను రా …. నేను వచ్చానంటే లాఠీ విరిగిపోద్ది… అంటూ వెళ్ళిపోయాడు.
క్యాషియర్: చూశావు కదా. నేను ఒక్కమాట చెప్పుంటే నీ పని అంతే. నీకు ఆఖరిగా చెబుతున్నాను. నువ్వు ప్రొడ్యూసరుతో మాట్లాడుకో. అని వెళ్ళిపోయాడు.
“నాకు అన్ని దారులూ మూసుకుపోయాయి. నా మనసు చంపుకొని ఆ ప్రొడ్యూసర్ చెప్పినట్టు వినాలి లేదా ఇంట్లో నన్ను మోసం చేశారని చెప్పాలి. చెప్పినా కూడా ఇక్కడ నాకు అంతా వ్యతిరేకంగా ఉంది కాబట్టి నన్ను నమ్మరు.” అని అనుకుంటూ వెనక్కి వెళ్లి నా కుర్చీలో కూర్చొన్నాను. కొద్దిసేపటికి అనన్య వచ్చి ఇంకొక కుర్చీలో కూర్చుంది.
అనన్య: అమలా….
అమల: నేను ఊరికే ఉన్నాను. నాకు ఎవరితో మాట్లాడాలి అని అనిపించడం లేదు. ఒంటరిగా ఉంటే ఏడుపు వస్తుంది అందుకే ఇక్కడ కూర్చొన్నాను.
అనన్య: అమలా….
అమల: తల తిప్పి చూసాను.
అనన్య: నిన్నటి నుంచి చూస్తున్నాను. నువ్వు నాతో మాట్లాడటం లేదు. అలా ఉంటే షూటింగులో బాగుండదు. నన్ను అలా చూసి దాని గురించి ఏదో ఊహించుకుని నాతో మాట్లాడటం లేదా?
అమల: అదేమీ లేదు.
అనన్య: నా కన్నా నువ్వు చిన్నదానివి. అర్థం చేసుకుంటే వయసుంది అని అనుకుంటున్నాను. కొన్ని విషయాలు ఎక్కడ చూసినవి అక్కడే మర్చిపోవాలి. వాటి గురించి మనసులో పెట్టుకుంటే మన భవిష్యత్తు పాడైపోతుంది. మనం చేసే పనులన్నీ ఇష్టపడి చేయడం లేదు. ఇష్టపడి చేస్తున్నట్టు నటిస్తున్నాము. వాళ్లను ఎదిరించి చేసేదేమీ లేదు. మన అవసరంతో వాడుకుంటారు. నేను కాదంటే మొత్తం సినిమా అవకాశాలు రాకుండా పోతాయి. ఇంట్లో అప్పులు సమస్యలు తగ్గాలంటే ఇక్కడ కొన్ని విషయాలను మా ఇష్టం లేకపోయినా చేయాల్సి ఉంటుంది.
అమల: వింటున్నట్టుగా చూస్తోంది.
అనన్య: ఇక్కడ అంతా బిజినెస్. ఒక్కోసారి మాటలతో కాని పని ఒక్క చిరునవ్వుతో జరుగుతుంది. అలా కాకపోతే ఒక ముద్దుతో జరుగుతుంది. దానివల్ల కాని పని కౌగిలింతతో జరుగుతుంది. దానికి కూడా కాకపోతే మన పైట జార్చితే జరుగుతుంది. దానికి కూడా కానిది కొద్ది నిమిషాలు కళ్లు మూసుకుంటే పడుకుంటే జరిగిపోతుంది. ఏ ఆడదీ ఇలాంటి పనులు ఇష్టంతో చెయ్యదు. ఎదుటివాడికి మన ఆకలి, మన అవసరం మన మీద సానుభూతిని కలిగించదు. పైగా అది గొప్ప అవకాశంగా తీసుకుని ఆధిపత్యం చేస్తాడు. నేను చెప్పాల్సింది చెప్పాను. జరిగింది మరచి నాతో మామూలుగా ఉంటే సంతోషిస్తాను. లేదా నీ ఇష్టం. నా షాట్ రెడీ అయ్యింది, వెళ్తున్నాను అని వెళ్ళిపోయింది.
అమల: నేను బాగా ఆలోచించాను. “ఇప్పటికీ మిగిలిన ఏకైక దారి ప్రొడ్యూసరుతో ఇంకొక సారి మాట్లాడడం. ఇక్కడ జరిగినదంతా గమనించి చూస్తుంటే తను చెప్పింది నాకు నిజమనిపిస్తోంది.” అని మనసుతో అనుకుంటుండగా అనన్య తిరిగి వచ్చి ఒకసారి నా వైపు చూసింది.
అమల: అనన్య అక్కా..
అనన్య: చెప్పు అమల
అమల: నాకు ఉన్న సమస్యల వల్ల నీతోనే కాదు ఎవరితోనూ సరిగ్గా మాట్లాడలేదు. అంతే తప్ప నేను నిన్ను చూసిన దాని గురించి కాదు.
అనన్య: సమస్యలు ఎక్కడ వెళ్లినా మన వెనకే ఉంటాయి. కాబట్టి మనం చాలా జాగ్రత్తగా ఉండాలి. ముఖ్యంగా మన కళ్ళు అన్నీ జాగ్రత్తగా గమనిస్తూ ఉండాలి లేదంటే పూర్తిగా మోసపోయేది మనమే.
నేను వెంటనే ప్రొడ్యూసర్ దగ్గరకు వెళ్లాను. తను ఎవరితోనో బిజీగా మాట్లాడుతున్నారు. నన్ను చూశాక తర్వాత మాట్లాడతానని వెంటనే వారిని పంపించాడు. నన్ను పక్కకు రమ్మన్నాడు.
ప్రొడ్యూసర్: చెప్పు అమల ఏంటి?
అమల: సార్ ఆ క్యాషియర్ నన్ను నిజంగా మోసం చేశాడు. కానీ సాక్షాధారాలు నాకు వ్యతిరేకంగా ఉన్నాయి. ఇంట్లో ఈ విషయం చెప్పాలంటే భయంగా ఉంది. ఇక మీరు ఏదైనా దారి చూపించాలి లేదా నేను చనిపోవాలి.
ప్రొడ్యూసర్: “సరే ఇక్కడ వద్దు, నా రూముకెళ్ళి మాట్లాడదాం”. అని అంటూ లేచి తన రూముకు వెళ్తున్నారు. నేను తన వెనుకే వెళ్తున్నాను. మేము ఇద్దరం తన రూముకి వెళ్ళి కూర్చొన్నాము. తరువాత “అమల నీ మాటలు వింటే నీ అమాయకత్వానికి జాలి పడాలనిపిస్తోంది. కానీ నాకు కూడా ఆ నాలుగు లక్షలు పోయినట్టే. అవి నీకు రాలేదు. నేను ఇంకా ఇచ్చి నష్టపోలేను. మోసం అయితే జరిగిపోయింది. కాబట్టి నేను చెప్పాల్సింది నిన్న చెప్పాను. కానీ ఇవ్వాళ మాట్లాడిన తర్వాత నీకు ఇంకొక మాట చెబుదామనుకున్నాను. అది కూడా నువ్వు వినాలనుకుంటే” అని నా వైపు చూస్తూ “నీకు ఇష్టం లేకపోతే నేను ఇంకేమీ చేయలేను”.
అమల: వింటున్నట్టుగా చూస్తోంది.
ప్రొడ్యూసర్: నేను నిన్న చెప్పిన దానిలో ఏదైనా నువ్వు ఇష్టపడితే నీకు ఇంకొక సినిమా ఛాన్స్ ఇప్పిస్తాను. అది కూడా వెంటనే. నాకు తెలిసిన ఇద్దరు కూడా తక్కువ బడ్జెట్లో సినిమా తీస్తున్నారు. నీకు అక్కడ ఏ ఇబ్బంది లేకుండా నేను చూసుకుంటాను. కావాలంటే ఇప్పుడే నీ కోసం నేను వాళ్లతో మాట్లాడతాను.
నేను తలవంచుకుని ఊరికే కూర్చొన్నాను. వెంటనే ఫోన్ తీసుకుని స్పీకర్ పెట్టి ఫోన్ చేశాడు.
శరవణ: హలో
ప్రొడ్యూసర్: హలో శరవణ
శరవణ: ఆ బగున్నావా? చాలా రోజులయ్యింది నీతో మాట్లాడి?
ప్రొడ్యూసర్: ఏంటి కొత్త సినిమా సంగతి? ఆ సినిమాకు అందరూ సెట్ అయ్యారా? అన్న హీరోగా ఎవరు అనుకుంటున్నారు? హీరోయిన్ ఎవరు?
శరవణ: మాకు తెలిసిన వాడే హీరోగా చేస్తానన్నాడు కానీ వాడిని చూసి హీరోయిన్లు ఎవరూ ఒప్పుకోవడం లేదు. అందుకే ఒక కొత్త అమ్మాయి కోసం చూస్తున్నాము.
ప్రొడ్యూసర్: అలా అయితే నాకు తెలిసిన ఒక అమ్మాయి ఉంది. మీ సినిమాకు సరిపోతుంది. ఒక్కసారి ఆ అమ్మాయి ఫోటో చూస్తే నువ్వు వదలవు. ఈ మధ్యనే తన సినిమాకు అవార్డు కూడా వచ్చింది.
శరవణ: నేను డబ్బులు ఎక్కువ ఇవ్వలేను.
ప్రొడ్యూసర్: డబ్బులకి ఏముంది. ఇంతకీ ఎంత ఇవ్వాలనుకుంటున్నాను?
శరవణ: మహా అయితే 5 లక్షలు. అంతకన్నా ఎక్కువ అంటే కష్టం.
ప్రొడ్యూసర్: సరే. నీకు కావాలంటే ఏదో ఒక రేటు నేనే మాట్లాడుతాను.
శరవణ: అమ్మాయిని చూడకుండా?
ప్రొడ్యూసర్: సరే కాని షూటింగ్ ఎప్పుడు అనుకుంటున్నారు?
శరవణ: హీరోయిన్ దొరకగానే షూటింగ్ మొదలు పెడదాం.
ప్రొడ్యూసర్: హీరోయిన్ గురించి నాది గ్యారంటీ. ఒక లక్ష అటూ ఇటూ అయినా నేను మాట్లాడి ఒప్పిస్తాను. నువ్వు ఏమీ ఆలోచించకు. అయినా మన సినిమా కోసం నేను ఈ మాత్రం చేయలేనా.
శరవణ: ఒకసారి ఫోటో పంపిస్తే నా పార్ట్నరు కూడా చూస్తే బాగుండేది.
ప్రొడ్యూసర్: సరే నేను ఆ అమ్మాయికి ఒక మాట చెప్పి తర్వాత నీకు ఫోన్ చేస్తాను.
Post more pages. You’re cresting anxiety in the readers. Next update don’t take much time.
Worst stories are posted quickly but good stories will be delayed for posting.