“నేను కూడా ఉద్యోగం చేద్దాం అనుకుంటున్నాను” అంది శ్యామల
అమర్ తన తల పైకి ఎత్తి శ్యామల ని చూసి
“ఏంటి నువ్వా?” అన్నాడు ఆశ్చర్యం గా
“నేను చేయకూడదా ఏంటి?” అంది శ్యామల
“అలా అని కాదులే, ఇంతకీ ఏం ఉద్యోగం?” అన్నాడు అమర్.
“ఇంకా ఏం అనుకోలేదు, ఒకపక్క పింకీ కూడా పెద్దది అవుతుంది ఇంక నేను చూసుకునే అవసరం లేదు. ఫ్రీ గా ఉన్న టైమ్ లో ఏదైనా చేస్తే మనకి ఇబ్బంది ఉండదు కదా ఇంట్లో” అంది శ్యామల.
“ఇప్పుడు డబ్బు ఉంటే ప్రాబ్లెమ్ ఉండదు అంటావా?” అన్నాడు అమర్.
“ఏంటి?” అంది శ్యామల
“అదే చెప్తున్నావ్ గా సంపాదించాలి అని, నువ్వు సంపాదిస్తే ఇంట్లో ఇంక ఇబ్బంది ఉండదా?” అన్నాడు అమర్
ఆ మాటకి శ్యామల ఆశ్చర్యపోయి అమర్ ని అలానే చూస్తూ ఉండిపోయింది. అమర్ చాలా ఆదర్సాలు కలిగిన మనిషి కానీ ఇలా మాట్లాడతాడు అనుకోలేదు. అమర్ మీద చాలా కోపం వచ్చింది.
“ఇక్కడ కాదు బయటకు రా మాట్లాడాలి” అంది శ్యామల పక్కనే నిద్రపోతున్న పింకీ ని చూసి
“ఇక్కడ ఏమైంది?” అన్నాడు అమర్
“మన మాటలకి పింకీ లేస్తుంది రా” అంది శ్యామల
అమర్ నిదానంగా పైకి లేచి కోపం గా బయటకు వెళ్లిన శ్యామల వెనుక వెళ్ళాడు.
“ఇందాక ఏంటి అంటున్నావు?” అంది శ్యామల
“నేనేమన్నాను?” అన్నాడు అమర్
“చూడు అమర్, నీ పద్ధతులు, ప్రిసిపల్స్ అన్నీ తెలుసు, అయినా కానీ నువ్వు తెచ్చే డబ్బుతో ఇల్లు గడవటం ఎంత కష్టం గా ఉందొ నాకు తెలుసు. అదిగాక మధ్యలో మీ ఫ్రెండ్స్ ని తీసుకుని వస్తావ్. అప్పుడు నేను పస్తులు ఉండాల్సి వస్తుంది. యే రోజు అయినా ఆలోచించావా అసలు” అంది శ్యామల కొంచెం కోపం గా.
“అది కాదు శ్యామల” అంటూ అమర్ ఏదో చెప్పబోతుంటే
“ఆ సామెతలు వినటం నా వల్ల కాదు అమర్, నేను ఉద్యోగం చేయాలి అని డిసైడ్ అయ్యాను. ఒక్కోసారి పింకీ అడిగినవి కూడా ఇప్పించలేకపోతున్నా డబ్బులు సరిపోక. నువ్వేమన్నా అనుకో నా సంపాదన కూడా తోడైతే ఇంట్లో ఇంత ఇబ్బంది ఉండదు” అంది శ్యామల కొంచెం గట్టిగా
“సరే ఉద్యోగం చెయ్యి, నేనేమి ఆపలేదు కదా నిన్ను” అన్నాడు అమర్
“మరి ఇందాక నీ సంపాదన అది ఇది అన్నావ్ గా?” అంది శ్యామల
“నేను నా ఒపీనియన్ చెప్పాను అంతే” అన్నాడు అమర్
“మరి నేను ఉద్యోగం చేస్తున్నాను అయితే” అంది శ్యామల
“నీ ఇష్టం నేనేమి అనను” అన్నాడు అమర్.
ఏంటో ఈ మనిషి ఎప్పుడు అర్ధం కాడు, రెండు విధాలుగా మాట్లాడతాడు అనుకుంది శ్యామల.
“హ్మ్” అంది
“కానీ ఒక్కటి గుర్తు పెట్టుకో, యే ఉద్యోగం అయినా చెయ్యి కానీ మనసుకి నచ్చితేనే చెయ్, డబ్బు కోసం కాకుండా” అన్నాడు అమర్
“మనసుకి నచ్చాల?” అంది శ్యామల
“హా అవును మనసుకి నచ్చితేనే తృప్తి పడతావ్” అన్నాడు అమర్
“సరే సరే” అంటూ నవ్వుతూ బెడ్ రూమ్ లోకి వెళ్ళింది.
*******************************************
మరుసటి రోజు పార్వతి ఆంటీ కి కాల్ చేద్దాం అనుకుంది శ్యామల. కానీ ఎలా అడగాలి మొన్ననే పింకీ కి షూ కొనిపించింది. నిన్న హోటల్ లో మంచి ఫుడ్ పెట్టించింది. కొంచెం పరిచయానికే అంత చేసింది పార్వతి ఆంటీ, అలాంటిది ఇప్పుడే హడావిడిగా జాబ్ గురించి అడిగితే ఏమనుకుంటుందో కొన్ని రోజులు ఆగుదాం అనుకుంది శ్యామల.
ఇటు పక్క పార్వతి కూడా శ్యామల గురించి ఆలోచించటం మొదలుపెట్టింది. తన అందం తో డబ్బు సంపాదించొచ్చు, దాని వల్ల శ్యామల కి డబ్బు వస్తుంది తనకి డబ్బు వస్తుంది. కానీ ఈ మిడిల్ క్లాస్ ఆడవాళ్ళని కదిలించాలి అంటే కొంచెం కష్టమే, కానీ ప్రయత్నిద్దాం అనుకుంది. శ్యామల కాల్ చేసే వరకు చేయకూడదు అనుకుంది పార్వతి.
ఇలానే రెండు వరాలు గడిచిపోయాయి. చివరిగా ఒకరోజు శ్యామల కాల్ చేసింది.
“హాయ్ ఆంటీ నేను శ్యామల ని” అంది శ్యామల
“హాయ్ శ్యామల, ఎలా ఉన్నావ్? పింకీ, మీ ఆయన ఎలా ఉన్నారు?” అంది పార్వతి ఎన్నో రోజుల నుండి ఎదురు చూస్తున్న ఫోన్ రావటం తో ఆనందం గా.
“అందరు బాగున్నారు ఆంటీ, మీరు ఎలా ఉన్నారు?” అంది శ్యామల
“బాగున్నాను” అంది పార్వతి, శ్యామల ని ఎలా తన ఉచ్చులోకి లాగాలా అని ఆలోచిస్తూ
ఇటుపక్క శ్యామల కూడా తన జాబ్ గురించి ఎలా అడగాలా అని ఆలోచించసాగింది.