ఇంత జరుగుతున్నా రిచర్డ్స్ ఎందుకు మౌనంగా ఉన్నాడు?
హర్ధిక్ హోటల్ కి చేరుకున్నాడు. రూమ్ కి వెళ్ళగానే రిసెప్షన్ కి కాల్ చేసి మందు, ఫుడ్ ఆర్డర్ చేసాడు. సోఫాలో కూర్చుని బాక్స్ ఓపెన్ చేసాడు.
అందులో ఒక ఎలెక్ట్రానిక్ డివైస్ ఉంది. అది చూడటానికి కత్తి పిడిలా ఉంది. అది కాకుండా ఒక పెన్ డ్రైవ్ ఇంకా ఒక ఫైల్ ఉంది.
ఫైల్ ఓపెన్ చేసాడు. ఇంతలో డోర్ బెల్ మోగింది. ఫైల్ పక్కన పెట్టేసి ఓపెన్ చేసాడు. బాయ్ వచ్చి అతని ఆర్డర్ లోపల పెట్టేసి వెళ్లిపోయాడు.
బాటిల్ లో మందు గ్లాసులో ఒంపుకుని సిగరెట్ తాగుతూ ఫైల్ చదవసాగాడు. అది ఓపెన్ చెయ్యగానే “TIME TRAVELLING” అని టైటిల్ కనిపించింది. అందులో రకరకాల డిజైన్స్ ఉన్నాయి. అవన్నీ మెషీన్ తయారు చేసే విధానం గురించి వివరిస్తున్నాయి.
ఫైల్ మూసేసి మందు తాగుతూ లాప్టాప్ కి పెన్ డ్రైవ్ పెడదాం అని ఓపెన్ చేసాడు.
స్క్రీన్ మీద మెయిల్ రిసీవ్ అయినట్టు నోటిఫికేషన్ వచ్చింది. అది మల్హోత్రా మెయిల్. అందులో ఒక వీడియో ఉంది.
దానిని ప్లే చేసాడు. అదలా ఉండగా ఇక్కడ మల్హోత్రా బుర్రలో జ్ఞాపకాలు గిర్రున తిరుగుతున్నాయి.
నిన్న ఏం జరిగిందో గుర్తు చేసుకుంటే గుండె ఆగినట్టు ఉంది మల్హోత్రాకి.
ఒక్క రోజు వెనక్కి…
మల్హోత్రా ల్యాబ్ లో పని చేసుకుంటున్నాడు. ఇంతలో మెయిన్ సర్వర్ స్ట్రక్ అయ్యింది. 5 నిముషాలు పని చెయ్యలేదు. అది మళ్ళీ మాములుగా పనిచెయ్యడం మొదలుపెట్టగానే ట్రిగ్గర్ లోపల కనెక్షన్ ఒకటి శాచురేట్ అయిపోయింది. కానీ అప్పటి వరకు ట్రిగ్గర్ తయారీకి ఏదో తెలియని అడ్డంకి తొలగిపోయింది. అవును ట్రిగ్గర్ పనిచేయడం మొదలుపెట్టింది.
మల్హోత్రా ఆనందానికి అవధులు లేవు.
వెంటనే ఈ విషయం చెప్పడానికి ఫోన్ అందుకున్నాడు. కానీ దీని పనితీరు పరిశీలించడానికి నిర్ణయం తీసుకున్నాడు.
ట్రిగ్గర్ తీసుకుని సీక్రెట్ డోర్ దగ్గరికి వచ్చాడు. స్కానర్ మీద చెయ్యి పెట్టగానే అడుగు మందం ఉన్న ఉక్కు తలుపు చప్పుడు లేకుండా తెరుచుకుంది.
లోపల లైట్లు వెలిగి రూమ్ మొత్తం వెలుగు పరుచుకుంది.
కానీ అది రూమ్ కాదు.
*****TIME MACHINE*****