చింటూ: ఏంట్రా ఆ స్పీడ్, ఏమైంది…బాబాయికి ఇది మాములేగా ?
పింటూ: ముందు నేను అలాగే అనుకున్నాను రా.కానీ నువ్వు కేసు విషయం SP విషయం చెప్పాక నాకు డౌటు వస్తోంది.
చింటూ: ఏంటి ?
పింటూ: జరిగిన దొంగతనం 30 కోట్లు. డబ్బు పోగొట్టుకున్నవాడు కమీషనర్ ని కలిసాడు..కమీషనర్ కేసు SP రంజిత్ కి ఇచ్చాడు. వాడసలే ఎక్కడ డబ్బులు వస్తే అక్కడ దండుకునే రకం..
కమీషనర్ ఇచ్చిన కేసు ఎవరన్నా పని చేసేవాళ్ళకి ఇవ్వంకుండా బాబాయికి ఎందుకు ఇచ్చినట్టు.
చింటూ: అవును కదా, బాబాయికి అసలు కేసులు ఇవ్వడు వాడు. అలాంటప్పుడు ఈ కేసు ఎలా ఇచ్చాడు.
పైగా ఇన్సూరెన్సు క్లెయిమ్ అయ్యాక వాళ్ళని వెతికిరమ్మని పంపాడట. అంతా అయ్యాక మెల్లగా దొరికినప్పుడు పట్టుకుంటాడు గాని వెంటనే ఎందుకు పంపి ఉంటాడు..
పింటూ: నువ్వు గన్ తెచ్చావా ?
చింటూ: నువ్వు తేలేదా ?
పింటూ: లేదురా హడావిడి లో మర్చిపోయా..
చింటూ: అంత అవసరం ఉండదు అనుకుంటున్నా..బాబాయ్ కి అసలే భయం ఎవడు ఏమి చెయ్యదులే…కంగారు పడకు. చెల్లి కి ఫోన్ చేశావా మనం వెళ్తున్నామని ?
పింటూ: చేశా..
చింటూ: లేకపోతె అనవసరంగా కంగారు పడుతుంది..
ఇంతలో ఫోన్…
చింటూ అదిగో అదే, చెప్పానా: ఎమ్మా కంగారు పడకు ఇద్దరం వెళ్తున్నా, వాడు బండి నడుపుతున్నాడు..అందుకే ఫోన్ తియ్యాలా..ఇద్దరం ఉన్నాం నువ్వు కంగారు పడకు.
తిన్నావా ? సరే సరే మేము చూసుకుంటాం..నువ్వు రిలాక్స్ అవ్వు అన్నాడు.
చింటూ: చాలా కంగారు పడింది రా..
పింటూ: బాబాయికి బుర్ర లేదు..వెళ్ళేటప్పుడు మన ఇద్దరిలో ఎవర్నైనా తీసుకెళ్ళచ్చు కదా..పెద్ద పోటుగాడల్లే..
చింటూ: బాబాయ్ …ఒక్కడే నవ్వొస్తోంది నాకు..
ఇద్దరు నవ్వుకుంటూ స్పీడ్ పెంచారు.
బాబాయ్ ఉన్న ఒళ్ళోకి ఎంటర్ అవుతూ ఊరి చివర ఉన్న టీ కొట్లో ఆగారు.
ఆ టీ కొట్టు ప్రకాష్ వాళ్ళ బాబాయ్ ది.
ఇద్దరూ మొహాలు కడుక్కుని టీ తాగుతున్నారు.
ప్రకాష్ బాబాయ్ ని పిలిచి ” ఈ ఫోటో లో మనిషి ఈ వూరు ఎమన్నా వచ్చాడా చూసావా ? అన్నాడు పింటూ.
ఆ ముసలాయన అనుమానంగా చూసి లేదండి లేదండి అన్నాడు..
చింటూ గన్ తీసి ముసలాడి తల మీద పెట్టి చెప్పు అన్నాడు గట్టిగా…
ముసలాయన భయపడి జరిగిందంతా చెప్పాడు…
కిల్ బిల్ తో ఆయన మాట్లాడటం జరిగినదంతా చెప్పడం…కిల్ బిల్ భోజనానికి వెళ్లడం..వెనకే ఇద్దరూ వెళ్లడం..
తరవాత నుంచి కనపడలేదు అన్నాడు.
పింటూ: వెనక వెళ్లిన ఇద్దరినీ చూసావా ?