రెండు రోజుల తర్వాత:
నేను స్వీటీ ఆఫీస్ నుంచి ఇంటికొచ్చాము.
మా అపార్ట్మెంట్ కి వెళ్లబోతుంటే ఎదురింటి పిల్లోడు “తాతయ్య …….. ” అని నా వైపు చూసి పిలిచాడు. స్వీటీ పక్కన దొంగ నవ్వులు నవ్వుకుంటూ ఆపుకుంటుంది.
నేను వాడి వైపు చూసాను. వాడు నవ్వుతు మళ్ళి “తాతయ్య ….. ” అన్నాడు.
నేను వాడ్ని ఎత్తుకొని “తాతయ్య ఏంట్రా ??” అని అడిగాను.
మళ్ళి తాతయ్య అన్నాడు.
“నీకు నేను తాతయ్య లాగ కానిస్తున్నానా రా ??”
“అవును ……. అక్క తాతయ్య అని పిలవమని చెప్పింది ……. ”
నేను స్వీటీ వైపు చూసాను. తను వేరే వైపు చూస్తూ ఏమి తెలియనట్లు నటించింది.
“అక్క ……. చాక్లెట్ …….. ”
“చాక్లెట్ కావాల్రా నీకు ??”
“అవును ……. అక్క నాకు తాతయ్య అని పిలిస్తే …… చాక్లెట్ ఇస్తానని చెప్పింది …… ”
నేను స్వీటీ వైపు చిరుకోపంతో చూసాను.
తను మూసి మూసి నవ్వులు నవ్వుకుంటుంది.
“అక్క ……. చాక్లెట్ ……. ” అన్నాడు.
తను హ్యాండ్ బాగ్ తీసి చిన్న చాక్లెట్ ఇచ్చింది.
“థాంక్స్ అక్క ……. ” అన్నాడు.
“థాంక్స్ నాకు కాదు …….. నీకు చెప్పాలి …… ” అని వాడి బుగ్గలు నలిపి “ఎప్పుడు ఇలాగే పిలువు ….. తనని …… ఓకేనా ??” అంది.
నేను తన వైపే చూస్తున్నాను.
“తాతయ్య …… ” అన్ని గట్టిగ నన్ను చూసి అరుస్తున్నాడు. నేను స్వీటీ వైపు చూసి మనసులో తిట్టుకొని వాడి వైపు చూసి “రేయ్ ……. నీకు ఇంకా పెద్ద చాక్లెట్ ఇస్తా ……. ఇక నుంచి తనని ……. అవ్వ అని పిలువు …… ”
“ఎంత పెద్ద చాక్లెట్ ??”
“బాగా పెద్ద చాక్లెట్ ……. ”
“నాకు అంత పెద్ద చాక్లెట్ కావలి …… ” అని పెద్ద చాక్లెట్ కావాలని చేతులతో చూపించాడు.
“సరే …… ఇస్తాలే …….. తనని ….. అవ్వ అని పిలువు ….. “