పెళ్లి తరువాత..పెళ్లి ముందు..2 106

రూప : (మెలుకువ వచ్చి కళ్ళు తెరిచి నన్ను చూస్తూ) ఇవ్వాళ కూడా మేలుకునే ఉన్నావా ?

నేను : హ్మ్మ్ (నవ్వుతూ)
రూప : (తొడల పై నుండి లేస్తూ), నన్ను పక్కకు జరిపి పడుకోవచ్చుగా
నేను : నిద్ర రాలేదు
రూప : కళ్ళు తెరిచుకుని నన్నే చూస్తూ కూర్చుంటే ఎక్కడ వస్తుంది, పడుకుంటే వస్తుంది..
నేను : నేనేం నిన్ను చూడలేదు
రూప : మరి, చుట్టూ ఉన్న గాలిని చూస్తున్నావా ?
నేను : (తన పొట్ట పై చేయి వేసి నిమురుతూ) పుట్టబోయే బుల్లి రూప ను చూస్తున్నా.
రూప : అవునా..
అప్పుడే తెలిసి పోయిందా తమకు ఇది బుల్లి రూపే అని ?
నేను : అవును కచ్చితంగా అది బుల్లి రూపే..
రూప : కానీ నాకు బుల్లి వినయ్ కావాలి మరి..
నేను : ఏం నేను లేనా ? మళ్ళీ వాడేందుకు ?
రూప : మరైతే నీకు మాత్రం నేను చాలనా ? మళ్ళీ అదెందుకు ?
నేను : ఎందుకంటే ఈ పెద్ద రూప నన్నెప్పుడూ డామినేట్ చేస్తూ వస్తుంది అదే చిన్న రూప అనుకో నేను చెప్పింది వింటుంది, ఈ పెద్ద రూప లా చెయ్యదు
రూప : అలా అంటే నాకూ అంతే, ఈ పెద్ద వినయ్ నా మాట వినడం మానేశాడు, ఈ మధ్య బాగా కొవ్వు పట్టింది. అదే నా బుల్లి వినయ్ అనుకో, నా మాట వింటాడు నేను చెప్పింది చేస్తాడు, ఎదురు చెప్పడు ఈ పెద్ద వినయ్ లాగా
నేను : అవునవును, ఎదురు చెప్పడు, ఎగిరి తంతాడు అంతే
రూప : ఎందుకు తంతాడు, వాడు నా కొడుకు అలా ఏం చేయడు
నేను : ఎందుకు చేయడు ? నేనంటే వేస్ట్ ఫెలో ని కాబట్టి నువ్వు చెప్పిన దాని కంతా ఆ, వూ, అని అంటూ నీ చుట్టూ తిరిగా. అందరూ అలాగే ఉంటారు అనుకుంటున్నావా ?
రూప : (చిరు కోపంగా చూస్తూ) నీకు బాగా కొవ్వు పట్టింది రా, ఇందుకే నేను బుల్లి వినయ్ కావాలి అంటున్నా అంటూ నా పెదాలని తన పెదాలతో అందుకుంది. అలా అందుకుని చిన్నగా నన్ను వెనక్కి తోసేస్తూ నా మీద పడింది..