అప్పుడు అనుకున్నాను నేను పెళ్లి చేసుకుంటే అలాంటి అమ్మాయినే పెళ్లి చేసుకుంటానని. అయితే ఆ అమ్మాయికి దెగ్గరవ్వలేకపోయాను. నా ఫ్రెండ్ తనకు దగ్గరయ్యాడు. చాలా సిన్సియర్ గ తనను ప్రేమించాడు. ఇద్దరు మంచి స్నేహితులయ్యారు. ఇద్దరు ప్రేమలో పడ్డారు. ఇప్పుడు పెళ్లి చేసుకోబోతున్నారు. ఈ వాట్సాప్ ఫోటో ఇన్విటేషన్ నా ఫ్రెండ్ మరియు ఆ అమ్మాయి పెళ్లి ఇన్విషన్.
చాలా మంది ఫ్రెండ్స్ కాలేజీ రోజుల్లో ప్రేమలో పడ్డారు, కానీ చాలా కొంతమంది మాత్రమే చివరి దాకా కలిసిఉండి పెళ్లి వరకు విషయాన్ని తెచ్చి ఇప్పుడిప్పుడే వాళ ఫామిలీస్ ని ఒప్పించ్చి పెళ్లిళ్లు చేసుకుంటున్నారు.
ఆ అమ్మాయికి దగ్గరవ్వలేకయాను. కాలేజీ రోజుల్లో ఎవ్వరి మీద నాకు అట్రాక్షన్ కానీ ప్రేమ కానీ కలగలేదు. అలాగే చాలా మంది ఫ్రెండ్స్ ఫెయిల్డ్ లవ్ స్టోరీస్ చూసాక, నేను అరేంజ్డ్ మ్యారేజ్ చేసుంకుందాం అని అనుకున్నాను. ఎందుకంటే జీవితంలో కలిసుండాలంటే కేవలం ఒక అమ్మాయి అందం సరిపోదు. ప్రస్తుతం పెళ్లి సంబంధాలు వస్తున్నాయి కానీ, నాకు ఎందుకో ఏమి అర్ధంకావటంలేదు. ఇప్పటికి పెళ్లి బ్రోకర్లను కలిసి, మాట్రిమోనియల్ వెబ్సైట్ లో ప్రొఫైల్స్ పెట్టాను.
కొన్ని సినిమాల్లో చూపించినట్లు ఒక కలలా ఒక అద్భుతమైన సంబంధం వస్తేబాగుండు అనిపిస్తూ ఉంటుంది. ఇంకా నాకు వయసు ఉంది కాబట్టి, ఉన్న సంబంధాలలో ఏదో ఒకటి చూసి చేసుకోవాలా లేదా వెయిట్ చేయాలా అర్థంకావటంలేదు. కాలేజీ లో ఆ అమ్మాయిని చూసాక మళ్ళా ఇప్పటి దాకా ఎవ్వరి గురించి నాకు అలంటి అనుభూతి కలగలేదు. కానీ ఏదో ఒక రోజు అలంటి అమ్మాయి నాకు కచ్చితంగా దొరుకుతుంది అని ప్రతి సంబంధం ఏదో ఒక సాకు చెప్పి వద్దంటున్నాను. అయితే నా కలలు నిజమౌతాయ లేదా అనేది కాలమే నిర్ణయిస్తుంది.
రోజంతా నాకు చాలా మూడ్ ఆఫ్ అయ్యింది, ఆ ఇన్విటేషన్ చూడటంతో. ఆఫీసులో ఉండలేక తొందరగా ఇంటికి వచ్చేసాను. మెట్రిమోనియాల్ వెబ్సైట్ లో ప్రొఫైల్స్ చూస్తూ రోజంతా గడిపేశాను. కొంత మంది పెళ్ళైన ఫ్రెండ్స్ కి కాల్ చేశాను. వాళ్ళని సంబంధాల గురించి అడిగాను, అలాగే వాళ్ళ పెళ్లి విషయంలో జరిగిన విశేషాలు తెలుసుకున్నాను. వాళ్లు నాకు చాలా విషయాలు చెప్పారు. ఆ రోజు మొత్తం కలలు కంటూ, పెళ్లి గురించి ఆలోచిస్తూ గడిపేశాను. ఆ వాట్సాప్ ఇన్విటేషన్ నన్ను బాగా డిస్టర్బ్ చేసింది.
ఆ తర్వాత చాల రోజులు నాకు నిద్ర సరిగ్గా పట్టలేదు, రోజు ఫేస్-బుక్ ఓపెన్ చేసి నా ఫ్రెండ్స్ లిస్ట్ చూసాను. పేస్-బుక్ మొత్తం వెతికాను. చాల మంది ప్రొఫైల్స్ చూసాను. చాలా mutual ఫ్రెండ్స్ లిస్ట్ చూసాను.
ఒక వారం తర్వాత, ఫైనల్ గా suggestions లిస్ట్ లో ఒక అందమైన అమ్మాయి కనిపించింది. ఇంటి పేరు చూసాను తెలిసిన అమ్మాయి లాగ లేదు. ప్రొఫైల్ ఓపెన్ చేసి చూసాను. చాలా అందంగా ఉంది. ఇండియన్ అమ్మాయి కానీ అమెరికాలో ఉంటుంది. అమెరికాలోనే చదువుకుంది. చాలా స్టైలిష్ గ, మోడరన్ గ ఉంది. ముద్దుగా కూడా ఉంది. కానీ మనకి సెట్ అవ్వదులే అనుకోని. ప్రొఫైల్ క్లోజ్ చేశాను. ఆ అమ్మాయి ఎలాంటిదో తెలీదు. అమెరికాలో అమ్మాయిని నేనెలా పరిచయం చేసుకోగలను ?? కాలేజీ లో ఉన్న అమ్మాయికి దగ్గరవలేకపోయిన నేను ఇలాంటి అమ్మాయిని ……. చాలా కష్టంలె అనుకోని ఆశలు వదులుకున్న.
నేను చేసిన ఒక మంచి పని ఏంటంటే, కాలేజీ లో చదువు మీద శ్రాధ పెట్టి మంచి డ్రీం-జాబ్ సంపాదించాను. డ్రీం-గర్ల్ కి దగ్గరవ్వకయినా డ్రీం-జాబ్ సంపాదించాను. మా నాన్నగారికి, తాతగారికి ఉన్న మంచి పేరు, కాస్త నా జాబ్ కు వస్తున్న మంచి జీతం వల్లే కొన్ని మంచి సంబంధాలు వస్తున్నాయి.
ఒక నెల రోజులు గడిచాయి. అమ్మ ఫోన్ చేసి మంచి సంబంధం ఏదో ఉంది పిల్లని చూడాలి వెళ్లి మాట్లాడాలి అన్నారు. అయితే నేను ఒక్కసారి ఆ అమ్మాయి ఫోటో అలాగే ప్రొఫైల్ చూడాలి అన్నాను. అమ్మ చెల్లి వచ్చాక పంపిస్తాను అని చెప్పింది. నేను అప్పుడు ఆఫీస్ లో బిజీ గ ఉన్న. ఇంటికి వచ్చి చెక్ చేస్తే చెల్లి నుంచి ఇమెయిల్ చూసి ఓపెన్ చేశాను. ఆ అమ్మాయి ఫోటో అండ్ బయో-డేటా ఉంది ఇమెయిల్ లో. ఫోటో చూసాను. సారీ కట్టుకొని చాలా చక్కగా ఉంది. అమ్మాయి అందంగానే ఉంది కానీ నేను అనుకున్నట్లు లేదు. బయో-డేటా బాగుంది. నాకన్నా ఒక సంవత్సరం చిన్న. అమ్మకి నాన్నకి చెల్లికి ఈ సంబంధం బాగా నచ్చేసింది. అమ్మాయి పేస్ బుక్ ప్రొఫైల్ చూసాను. మంచి అమ్మాయి లగే అనిపించింది. నాకు ఎం చెప్పాలో అర్ధం కాలేదు. ఇప్పటి దాకా వచ్చిన సంబంధాలలో ఇది చాల మంచి సంబంధం. అలాగే మంచి కట్నం కూడా ఇచ్చేలాగా ఉన్నారు.
Super mawa ilanti stories Naku chala nachutayi madhylo apaku mawa manchi flow n feel ga undhi continue chy…