నాన్న అమ్మకు. అప్పటి నుంచి అమ్మ నాకుపెళ్ళి చేసేయమని నాన్నను పోరడం ప్ర్రారంభించింది. వాడు మాట్లాడలేదు. ఎందుకనో వాడు మూడీగా అయిపోయాడు. ఏదో తెలియని సంచలనం వాడ్ని మెల్లగా వణికిస్తోంది. “ఏమైందిరా వెధవా?” అని మందలిస్తున్న ధోరణిలో అడిగాను. “ఏమీలేదు” అని నసిగాడు. కాసేపటికి సర్దుకున్నాడు. మధ్యాహ్నం హోటల్లో ఏదో తిన్నామనిపించి, సాయంకాలం తిరిగి బయలుదేరాం. ఇంటికొచ్చేటప్పటికి ఎనిమిదయింది రాత్రి నన్ను భయపెట్టడానికే వస్తున్నట్లుంది. ప్రతి రాత్రిలాగే ఆరోజు భయం భయంగా పడుకోవడం ఇష్టం లేకపోయింది. అందుకే మాధవుడ్ని ఆ రాత్రి ఇక్కడే పడుకుని ఉదయం లేచి వెళుదువులే అని చెప్పాను. వాడు బయట తిన్నెమీద పడుకున్నాడు.
చలి బాగా వుంది. బైట పడుకోవడం కష్టం. అందుకే లోపల్నుంచి నా పాత చీర ఒకటి తీసుకొచ్చి యిచ్చి కప్పుకోమన్నాను. దుప్పట్లన్నీ అంతకు ముందురోజే దోబీకి వేయడంతో చీర ఇవ్వక తప్పింది కాదు. వాడు అక్కడే పడుకోవడంతో సెక్యూర్ గా వుండి వెంటనే నిద్ర పట్టేసింది. టీవీ కొనమంటే వికారంగా ముఖం పెట్టి వికృతమైన వాదన చేసిన అశోక్ కంటే నా ఈ చిన్న మాధవుడు ఎంతో అందంగా, ఆత్మీయంగా కనిపించాడు. వాణ్ని అలానే ముందుకు లాక్కుని ఎదలో దాచుకోవాలనిపించింది. వాడి ప్రేమకు తట్టుకోలేకపోయాను. కానీ అలా చేష్టలుడిగి నిలబడిపోయాను. నా కళ్ళల్లో నీళ్ళు చూసి వాడు చలించిపోయాడు. “ఏమ్మా! ఏమైనా తప్పుచేశానా?” అనడిగాడు వణుకుతున్న కంఠంతో. “చీచీ! అలాంటిదేం లేదురా ఏదో నలుసు కంట్లో పడితే” అని బుజ్జగించబోయాను.
“ఇది తేవడం తప్పా?” “లేదన్నాగా! మా పుట్టింటివాళ్ళు గుర్తుకొచ్చారు” అని వాడి చేతిలోంచి పక్కపిన్నుల ప్యాకెట్ తీసుకుని, రెండు పిన్నులను బయటికి లాగి, అటూ ఇటూ దోపుకున్నాను. “ఓకేనా! ఇక నా వెంట్రుకలు ఎగరవు. ప్రతిసారీ వెంట్రుకలను సరిదిద్దుకోవడానికి నేను అవస్థపడాల్సిన పనిలేదు” అన్నాను. “ఇంటికెళ్ళి చిటికెలో వచ్చేస్తాను” “ఊఁ త్వరగా వచ్చేయ్ భోజనం వండుతాను నీక్కూడా” అన్నాను. ఎంతసేపటికి లేచామో తెలియదు. ఒకరినొకరు చేతులు పట్టుకుని నడిచాం. ఇల్లు దగ్గర పడుతుండగా చేతులు వదిలేశాం. వాడు మౌనంగా వెళ్ళిపోయాడు.
It agree, this magnificent idea is necessary just by the way
Sveiki, as norejau suzinoti jusu kaina.