అతను ఏమీ మాట్లాడలేదు.
“ఇక నెక్ట్సు చీర- యవ్వన సామ్రాజ్యం చుట్టూ బిగుడుకున్న గోడలా చీర. మొత్తం పదహారు కుచ్చిళ్ళతో కిందికి దిగి అందం ఒత్తిడికి విచ్చుకున్న పువ్వులా వుంది.
సాధారణంగా పన్నెండు కుచ్చిళ్ళే పోసుకుంటాను. అయితే నేను చిన్న కుచ్చిళ్ళు పోసుకుంటాను. ఇవి ఏదో శృంగార కావ్యం పేజీల్లో లేవూ? ఓహ్! నీకు ఏమీ కనిపించదన్న విషయం మరిచిపోతుంటాను- సారీ.
బొడ్డు దగ్గర ;లోపలికి దోపుకున్న కుచ్చిళ్ళ మొదలు పట్టుకుని పైకి లాగాను. వెన్నెల్లో- హిల్ రెస్టారెంట్ లో కూర్చుని ఎదురుగా వున్న ప్రేయసి చీర కుచ్చిళ్ళను లెక్కపెట్టడం గొప్ప అనుభవం. కానీ నీకు ఆ ఈస్థిటిక్ సెన్స్ వున్నట్లు అనిపించదు. లేకుంటే బస్టాండ్ లో అమాయకంగా కనిపించిన ఆడపిల్లను వేశ్యగా ముద్రవేసి బేరం అడుగుతావా?
మొత్తం చీర అంతా కిందికి జారింది. కాళ్ళ దగ్గర ఎవరో పిచ్చివాడు నన్ను గన్నేరు పూలతో ఆరాధించినట్లు ఎల్లోచీర. ఇక మిగిలింది లంగా మాత్రమే.”
అతను శ్వాస బరువుగా వదలడం తెలుస్తూనే వుంది.
“లంగా ముడి, ఏదో పేరు తెలీని నాలుగురెక్కల పువ్వులా వుంది. ఒక కొస పట్టుకొని లాగాను. మొత్తం నాట్ ఊడిపోయింది. పొత్తి కడుపు బంగారు సముద్రపు ఒడ్డులా వుంది. లంగాను కిందికి వదిలేశాను. ఇప్పుడు పూర్తిగా నగ్నంగా నేను.”
తేలు కుట్టినట్టు అతను పైకి లేచాడు. “నేను వెళుతున్నాను. నువ్వు అరుచుకో- గీ పెట్టుకో.”
అతను వెళ్ళబోయాడు.
“అదిగో ఇలాంటి ఆవేశమే నిన్ను ఇక్కడికి తీసుకు వచ్చింది. ఇప్పుడు కూడా అదే ఆవేశాన్ని ప్రదర్శిస్తే సెక్యూరిటీ అధికారి స్టేషన్ కి వెళతావు.”
ఏం చేయాలో తెలియక కాసేపు గింజుకుపోయి చివరికి కూర్చున్నాడు. బుద్ధిగా కూర్చోవడం వీలుకాక కాలును అలా జాడించడంతో ఓ గాజుముక్క పాదంలో దిగబడిపోయింది. బాధ భరించలేక “అమ్మా” అని మూలిగాడు.
“చూశావా! బాధ కలిగినప్పుడు నువ్వు ‘అమ్మా’ అన్నావ్. ‘నాన్నా’ అని ఏడవలేదు. నేనూ అలాంటి స్త్రీనే కదా. నన్ను గౌరవించాలి. అంతే తప్ప బస్టాండ్ లోనో. రైల్వేస్టేషన్ లోనో ఒంటరిగా స్త్రీ కనబడగానే ‘ఫిగర్’ అని వెకిలిగా నవ్వుతూ నానా వంకర్లు తిరగడం ఎంత అసహ్యకరమైన విషయమో ఆలోచించు.
నువ్వే కాదు యూనివర్శిటీ ప్రొఫెసర్ దగ్గిరనుంచి, అటెండర్ వరకు ఇలా ఒంటరిగా స్త్రీ కనిపించగానే అడ్వాన్స్ అయిపోతారు. నీచంగా ప్రవర్తిస్తారు. నిన్ను ఇక్కడికి తీసుకువచ్చి బుద్ధి చెప్పాలనే ఇంతా చేశాను.
ఓ ఆడపిల్ల నగ్నంగా వున్నా ఏమీ చేయలేని స్థితిలో వుండడం మగవాడు భరించలేడు. ఆ భయంకరమైన అనుభవాన్ని నీకు చవిచూపించడానికే ఇంతకు తెగించాను ఇంకెప్పుడయినా యిలా ప్రవర్తించావో పర్మినెంట్ గా స్త్రీని అనుభవించలేని విధంగా తయారుచేస్తాను నిన్ను. బోధ పడిందా?”
అతను బెదిరిపోయాడు. అంతటితో వదిలేస్తున్నందుకు సంతోషిస్తున్నట్లు అటూ ఇటూ కదిలాడు.
“జస్ట్- వన్ మినిట్- బట్టలు వేసుకోవాలి” అన్నాను.
అతను లేవకుండా అలానే వుండిపోయాడు.
“ఊఁ ఇక వెళ్ళచ్చు- గుర్తుందిగా. ఇంకెప్పుడూ ఆడపిల్లల దగ్గర చీప్ గా ప్రవర్తించకు.”
అతను మెల్లిగా లేచి, జాగ్రత్తగా ద్వారం దగ్గరికి అడుగులు వేసి వెనక్కి తిరిగాడు. తన కాసిని కాస్తంతైనా ప్రదర్శించాలని కాబోలు “నువ్వు కొత్త టెక్నిక్ తో హింసించావు. అందుకు నా జోహార్లు. కానీ అదే సమయంలో నువ్వు పరాయి మగాడి ముందు నగ్నంగా తయారయ్యావు కదా” అని పళ్ళు ఇకిలించబోయాడు.
“ఒరే ఫూల్! అతి తెలివి ప్రదర్శించకు. నేను ఇంతకుముందు బట్టలేవీ విప్పుకోలేదు. విప్పుకున్నట్లు నటించానంతే. ఇంకో పచ్చి నిజం ఏమిటో తెలుసా? పురుషుడు చాలా బలవంతుడైనా ఈ సమాజంలో వాడికి పూర్తిగా గెలుపు దక్కనివ్వకపోవడమే స్త్రీ గెలుపు- అర్థమైందా?” అన్నాను. వాడు ఇంకేం మాట్లాడలేకపోయాడు. మరుక్షణంలో అక్కడి నుంచి బయట పడ్డాడు.
“ఇదండీ గోపాలకృష్ణగారూ! నేను ఇంతవరకు ఎవరికీ చెప్పని సంఘటన” అంటూ ముగించిన దాన్యను.
“వెల్ డన్- చాలా బాగా చేశావ్. జీవితంలో వాడు ఏ ఆడపిల్లనీ ఆట పట్టించి వుండడు” గోపాలకృష్ణ ఆమెను మనసారా అభినందించాడు.
“నిజమే- అప్పుడున్న ధైర్యాన్ని తలచుకుంటే ఆశ్చర్యంగా వుంటుంది.”
“సిటీలో ఎవరో ఆకతాయి కుర్రాడు అడ్డగోలుగా ప్రవర్తించాడని అంత పెద్ద శిక్ష వేసినదానివి. పిలుస్తూనే నా దగ్గరకు రావడం వింతగా వుంది.”
“నీమీదున్న ఇష్టం. నీతో ఒకరాత్రి గడపమని ఇంటిల్లిపాదీ చెబుతుంటే ప్రతి ఆడపిల్ల తనకు తెలియకుండానే నీ మీద ఇష్టం పెంచుకుంటుందని అనుకుంటా” అని తన ఇష్టాన్నంతా చుట్టముట్టి అందిస్తున్నట్లు పెదవులను గుండ్రంగా చేసి అతని పెదవులమీద అద్దింది.
There is no new stories to post since 8th onwards.